YOHANES 11:24 - Alkitab Singog In Mongondow Masa In Tanaa

²⁴ Dá kai Marta doman, “Kinotaauankubí kon ki Lazarus in mobiagbí bui aka intau minatoi biagondon kon Singgai Pohakiman.”

YOHANES 11:24 ပူးပေါင်းရင်းမြစ်များ

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

YOHANES 11:23

Guman i Yesus kon i Marta, “Ki utatmu i mobiagbí bui.”

YOHANES 6:39

Bo naabí in kinoibog i-Nia inta nopotabá kon i-Nakó: Sinbá bayongan intau inta inogoi kon i-Nakó, diá tobatúmai in mobuḻi; táe bá biagon-Ku in mosia kon singgai ponantúan.

YOHANES 6:40

Totuu, naabí in kinoibog i Amá-Ku: Bá bayongan intau inta nokoontong kon Adí bo nopirisaya kon i-Nia mokouḻí kon kobiagan mopia bo mononoi, bo mobiag bui kon singgai ponantúan.”

OUMAN IN RASUL MITA 24:15

Akuoi in ná bí doman mosia inta moharap doman mako kon i Allah kon bayongan intau in mobiagbí bui naonda in matoi, intau mopia andeka intau moraat!

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.