YOHANES 11:19 - Alkitab Singog In Mongondow Masa In Tanaa

¹⁹ Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

YOHANES 11:19 ပူးပေါင်းရင်းမြစ်များ

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

SAMUEL 2 10:2

Bo nogumandon in ki Datu Daud, “Ki Nahas in yobayatku inta mosatia. Dá akuoi in mustibí doman moyobayat i Hanun ki adínea.” Tuamai in ki Daud nopotabádon in totabá minayá in butá in Amon sin moḻipoi kon i Hanun popisí in kinopatoian i amánea.

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.

AYUB 2:11

Bodito inta noiantug kon i Ayub in kinodongogandon in yobayatnea taya toḷu, ki Elipas, nongkon kotá in Téman, ki Bildad intau in Suah bo ki Zopar intau in Naama. Mosia in noyopakat kon mayá moindoi bo moḻipoi kon inia.

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

MOHOHUTUBA 7:2

Maníka bo mayá in pinatoian bo dika in mayá in rame. Sin kita in mustibí tantú monanob kon popatoi in mogoḷatbí mako kon batúan in intau.

YESAYA 51:19

Iko in kinoantugan in doyowa norupa in bodito; popisí in parang, ḻipúmu in nogoguyaatdon komintan bo rayatmu in minatoi in gogoy. Diá in notabi bo noḻipoi kon inimu.

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

LUKAS 10:39

Ki Marta naa oyúon in ki utatnea bobay doman inta tangoinea in ki Maria. Ki Maria naa iḻimitú mako kon diug i Yesus bo mokidongogmai kon onu in singogon-Nea.

LUKAS 10:42

Bá poguman-Ku kon inimu kon tongábí tobatú in totok moponting. Ki Maria ain nomiḻí kon inta mopia, inta diábí bui gamáan kon inia.”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:31

Naonda in intau mita Yahudi inta namangoi nohibur kon i Maria kon baḷoi nokoontong kon i Maria bango-bangon bo iḻimikat iḷumuai; dinuduian monia in sia, sin iraimai monia in sia mayábí in poḷoḷobongan bo mongombaḷ.

YOHANES 11:33

Naonda inontong i Yesus in ki Maria nongombaḷ, bo intau mita in Yahudi inta namangoi noyotakinnea tua nongombaḷ doman, norobonoḷdon totok in gina-Nea, bo totokdon inagían tabi in Sia.

YOHANES 11:36

Bo intau mita in Yahudi noguman, “Indoiaika, totokbí in Sia motabi kon i Lazarus!”

YOHANES 11:45

Nobayong in intau Yahudi inta namangoi nohibur kon i Maria in nopirisayadon kon i Yesus naonda in nokoontong kon onu inta nobaḻí tatua.

YOHANES 11:8

Táe mosia in notubag, “Pak Guru, nobagumai naa intau mita in Yahudi moḷongasidon mogandur in batu kon i Pak Guru, yo tanaa nongonu sin ki Pak Guru mogoiníbí bui mayá intua?”

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 2 1:4

Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

TESALONIKA 1 4:18

Tuamai in pakédon in singog tanaa kon mosirigonan kon gina in tumpaḷa utat.

TESALONIKA 1 5:11

Tuamai umuranbí positongginaan bo mosirigonan kon gina ná inta biasamai aidan monimu.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.