YOHANES 10:40 - Alkitab Singog In Mongondow Masa In Tanaa

⁴⁰ Onda intua ki Yesus in bui minayá kon ḷoḷan Ongkag in Yordan. Ongkag inta pinobaptisan i Yohanes koḻipod, bo ki Yesus in nogutunpa kon tua.

YOHANES 10:40 ပူးပေါင်းရင်းမြစ်များ

YOHANES 1:28

Tua komintan in nobaḻí kon Betania inta kon ḷoḷanmai in Ongkag in Yordan inta pobaptisanmai i Yohanes.

YOHANES 11:54

Tuamai ki Yesus in diádon minayá kon sigad in intau mobayong inta kon sigad in intau Yahudi. Sia in nonaḷámaidon kon Yudea, bo minayá in kotá in Epraim inta kon diug in padang gurun. Sia in nogutun kon tua takin murí-Nea mita.

YOHANES 11:7

Bain nopaḷut mako kon tua bo noguman in Sia kon murí-Nea mita: “Koḻigai mayápa bui in kita in Yudea.”

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.