YOHANES 10:32 - Alkitab Singog In Mongondow Masa In Tanaa

³² Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

YOHANES 10:32 ပူးပေါင်းရင်းမြစ်များ

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MOHOHUTUBA 4:4

Kinotaauanku doman kon intau in totokbí in moḷongasi mogaid, tongá popisí in mointoi in mokoontong kon bungai in siniḷopían in topodiugnea. Tua komintan diá in mangaḻenea naonda bo moḷongasi modomok kon tompot.

YEREMIA 37:18

Nopaḷut mako kon tua akuoi in noḻibó, “Aid moraat onu in inaidanku kon i Tuang datu andeka kon pojabat mita andeka kon rayat, nodapot in akuoi pinobonu i Tuang datu kon ponjara?

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

YOHANES 10:25

Ki Yesus in notubag, “Pinoguman-Ku bidon kon inimu, táe moiko in diá mopirisaya. Oaidan mita inta pinomia-Ku pinodoyon kon tangoi i Amá-Ku, mobogoi in bukti soaḷ Akuoi.

YOHANES 10:31

Bo intau mita in Yahudi nogamá kon batu sin pogandur kon i Yesus.

YOHANES 10:33

Intau mita in Yahudi notubag, “Deemanbí popisí in oaidan-Mu mita inta mopia tua in baḻíon nami dodoyonan poganduran in batu kon ini-Mu, táe popisíbí in Iko mohojat kon i Allah. Iko nion in intaubí bo moibog mokipotongkai kon i Allah.”

YOHANES 10:37

Aka Akuoi bo diá nogaid kon oaidan mita inta pinoki aid i Amá, yo dika mopirisaya kon i-Nakó.

YOHANES 5:36

Táe kon i-Nakó in oyúon in kosakusian inta moponti-ponting nongkon kosakusian inta pinoyaput i Yohanes, tuata in oaidan inta pinoki aid i Amá kon i-Nakó. Oaidan tatuata inta yogot-Ku in aidan tanaa mako, tuata in mobaḻí bukti kon ki Amábí in nopotabá kon i-Nakó.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.