YOHANES 10:27 - Alkitab Singog In Mongondow Masa In Tanaa

²⁷ Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 10:27 ပူးပေါင်းရင်းမြစ်များ

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 25:12

Tongá sia in notubag, ‘Diábí kotaauan-Ku mongó ki ine in moiko!’ ”

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

MARKUS 10:21

Dá ki Yesus inimindoi kon intau tatua takin tabi bo noguman nanaa, “Dongkadon tobatú in paraḷumu aidan. Bayádon potaḷui in bayongan kapunyaanmu; bo ogoi kon intau nobogá in boḻinea tatua, dá mokouḻídon iko kon kapunyaan kon soroga. Onda intua angoidon dudui kon i-Nakó.”

MARKUS 8:34

Onda intua ki Yesus nogoiní kon intau moantó inta noyotakin murí-Nea mita bo noguman kon i monia, “Intau inta moibog dumudui kon i-Nakó musti ḻiongonnea in kopontingannea tontaní bo momotaan kon kayu pinoyotaḻempang bo umuran dumudui kon i-Nakó.

LUKAS 13:27

Bo Sia in bui motubag kon i monimu, ‘Diábí kinotaauan-Ku mongo nongkon onda in moiko. Bayádon nongkon naa, moiko intau mita inta nogaid kon mongoraat!’

LUKAS 9:23

Onda intua Sia in noguman doman kon i monia, “Intau inta moibog dumudui kon i-Nakó, mustibí ḻiongonnea in oaidannea tontaní, bo momotaan kon roriganea pomuḷoi in singgai bo umuran dumudui kon i-Nakó.

YOHANES 10:14

Akuoibí naa in gombala inta mopia. Notongkai ná kinototaau i Amá kon i-Nakó bo kinototaau-Ku kon i Amá, dá natua doman in kinototaau-Ku kon domba-Ku mita bo mosia in nonotaau doman kon i-Nakó. Akuoi in moposarakan in nyawa-Ku sin kopontingan monia.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 10:8

Bayongan inta namangoi kon dodai in Akuoi diápa in mononakowbí bo mogogagow in mosia tua, bo doíbí in domba mita tatua in mokidongog kon i monia.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

YOHANES 21:22

Ki Yesus in notubag, “Aka moibog in Akuoi kon sia in umuranpa mobiag modapot in Akuoi mamangoi bui, yo tua in deemanbí iko in kitogi totaau. Táe iko in duduidon kon i-Nakó!”

YOHANES 5:25

Pirisayadon: Moiangoibí in wakutunea, sedang bo noiangoi bidon, kon intau minatoi in mokodongogbí kon singog i Adí Allah. Bo intau inta mokodongog in mobiagbí.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

OUMAN IN RASUL MITA 3:23

Bo intau inta doí mokidongog kon onu in poguman in nabi mita tatua, tokoputúan kon sigad in umat mita i Allah.’

KORINTUS 1 8:3

Táe intau inta totu-totuudon motabi kon i Allah, sia tua in kotaauanbí totok i Allah.

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

IBRANI 3:7

Tuamai, ná inta ain pinoguman in Roho i Allah nanaa: “Aka singgai naa moiko mokodongog kon singog i Allah,

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.