YOHANES 10:25 - Alkitab Singog In Mongondow Masa In Tanaa

²⁵ Ki Yesus in notubag, “Pinoguman-Ku bidon kon inimu, táe moiko in diá mopirisaya. Oaidan mita inta pinomia-Ku pinodoyon kon tangoi i Amá-Ku, mobogoi in bukti soaḷ Akuoi.

YOHANES 10:25 ပူးပေါင်းရင်းမြစ်များ

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

YOHANES 10:37

Aka Akuoi bo diá nogaid kon oaidan mita inta pinoki aid i Amá, yo dika mopirisaya kon i-Nakó.

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

YOHANES 14:11

Pirisayabí in singog-Ku tanaa, kon Akuoi in notobatúbí takin i Amá bo ki Amá in notobatú takin-Ku. Andeka diá bo diá, yo pirisayadon sin inontongdon monimu in onu inta ain inaidan-Ku.

YOHANES 20:30

Nobayongpabí in soaḷ mita inta mokoherang in pinomia i Yesus kon tayowon in murí-Nea mita, táe diádon pinais kon bonu in buk tanaa.

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

YOHANES 7:31

Nobayong in kon sigad monia tua in nomangkoidon mopirisaya kon i-Nia, bo noguman, “Aka Datu Mopoposaḷamat tua in mamangoi, yo degá Sia mokoaid kon mobayo-bayong in inta mokoherang mita nongkon Intau tanaa?”

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”

YOHANES 8:56

Ki amá monimu in ki Abraham nopia totok in ginanea sin sia mokoontong kon singgai-Ku. Sia in nokoontongdon bo nopiadon in ginanea!”

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.