YOHANES 10:24 - Alkitab Singog In Mongondow Masa In Tanaa

²⁴ Dodai intua intau mita in Yahudi namangoi noḻipung kon i Yesus. Mosia in noguman, “Modapot in toonu in pomayá-Mu mako in kami diá motantú in pirisaya? Pogumankadon kosilang, aka Iko nion totu-totuu Datu Mopoposaḷamat.”

YOHANES 10:24 ပူးပေါင်းရင်းမြစ်များ

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

MATIUS 11:3

dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

MARKUS 8:32

Nosilangbí totok in pinongonguman i Yesus kon murí-Nea mita soaḷ tatua. Dá inugut pinosí i Petrus bo sinogurnea in ki Yesus.

LUKAS 3:15

Kon wakutu intua intau mita nomangkoidon noḻibo-ḻibóan, degá ki Yohanes naa in Datu Mopoposaḷamat inta inoḷat mako monia.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 10:31

Bo intau mita in Yahudi nogamá kon batu sin pogandur kon i Yesus.

YOHANES 10:33

Intau mita in Yahudi notubag, “Deemanbí popisí in oaidan-Mu mita inta mopia tua in baḻíon nami dodoyonan poganduran in batu kon ini-Mu, táe popisíbí in Iko mohojat kon i Allah. Iko nion in intaubí bo moibog mokipotongkai kon i Allah.”

YOHANES 16:25

“Naa komintan in poguman-Ku kon i monimu takin momaké in oandaian. Táe moiangoibí in wakutunea, Akuoi in diádon momaké in oandaian, táe poguman-Ku bidon taran-tarangan kon i monimu in soaḷ ki Amá.

YOHANES 8:25

Mosia in noḻibó bui, “Sabanarnea ki inebí Iko nion?” Ki Yesus in notubag, “Onupabí in mangaḻe mongonguman takin monimu nion!

YOHANES 8:53

Aka ki Abraham tontaní ain minatoi, bo nabi mita komintandon minatoi, Iko nion ki ine? Umpaka Iko in mokawa-kawasa nongkon i amá nami ki Abraham!”

YOHANES 9:22

Guyanganea in noguman natua sin moondok in mosia kon itoi mita in Yahudi; sin mosia ain noyopakat kon intau inta mongaku kon ki Yesus tua in Datu Mopoposaḷamat, diádon motaau in tumuot kon baḷoi pososambayangan.

KORINTUS 2 3:12

Lantaran natua in harapan nami, dá mobarani in kami mosingog kon natua.