YOHANES 1:50 - Alkitab Singog In Mongondow Masa In Tanaa

⁵⁰ Ki Yesus in noguman kon i Natanael, “Iko in nopirisaya kon i-Nakó tongá popisí degá in Akuoi noguman kon inimu kon iko inontong-Kudon kon siungonmai in pangkoi in ara tatua? Soaḷ mita inta moḷobe-ḷoben nongkon tua koontonganmubí!”

YOHANES 1:50 ပူးပေါင်းရင်းမြစ်များ

MATIUS 13:12

Intau inta oyúondon kon inia in duganganbí ogoian, sinbá sia in mokouḻí kon moiḻiu in kobayongnea. Táe intau inta diá in kon inia yo onupa inta kon inia yo daitondon gamáan.

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 25:29

Sin pomuḷoi intau inta nooyúondon yo duganganbí bui, sinbá kalebeannea in mobarong totok. Táe ki ine inta diá nooyúon, yo onupa doman inta oyúon kon inia tua yo gamáandon doman nongkon inia.

LUKAS 1:45

Kosanangdon iko inta mopirisaya, sin onu inta ain pinoguman i Tuhan kon inimu, totu-totuubí mobaḻí intua!”

LUKAS 7:9

Nokodongogmai kon koyow tatua, noherang totok in ki Yesus. Sia in nobobui kon intau mita inta dinumudui kon i-Nia bo poḷat nosingog, “Pirisaya námai naa in koḷoben diápa dodai onda in nouḻí-Ku kon sigad in intau Israel!”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

YOHANES 20:29

Dá ki Yesus in noguman kon inia, “Iko in nopirisaya popisí in inontongmudon toh? Kosanangdon totok in mosia inta umpaka diá nokoontong táe nopirisaya kon i-Nakó!”