YOHANES 1:27 - Alkitab Singog In Mongondow Masa In Tanaa

²⁷ Sia inta namangoi noiduduimai kon inakó, táe umpaka tongá mobuka kon togot in sapatu-Nea, yo diá patus in akuoi.”

YOHANES 1:27 ပူးပေါင်းရင်းမြစ်များ

KINOBAḺIAN 14:23

kon akuoi in diábí mogamá kon onukadon nongkon kapunyaanmu, nodapot in tongákabí siningkoi tougat ande tongáka topongkó tali in silop yo diábí. Sinbá iko diá motaau moguman kon ‘Akuoibí in nokopobaḻí kon i Abram nooyúon.’

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MARKUS 1:7

Sia in noguman doman nanaa: “Moiduduimai kon inakó, moiangoi in intau inta kawasa-Nea noiḻiu kon inakó. Umpaka tongá kumuyung mobuká kon togot in sapatu-Nea, yo diábí patus in akuoi.

LUKAS 3:16

Tuamai in ki Yohanes noguman kon i monia komintan, nanaa, “Akuoi in Mopobaptis kon i monimu in tubig, táe moiangoibí in intau inta moḷobe-ḷoben nongkon inakó. Umpaka tongá mobuká kon togot in sapatunea yo diá kobaḻí in akuoi. Sia tua in mopobaptis kon i monimu in Roho i Allah bo tuḷu.

YOHANES 1:15

Ki Yohanes in namangoi saḷaku sakusi-Nea, sia in nopohabar: “Naadon in Sia inta pinogumanku: Moiduduimai kon inakó, moiangoi in Sia inta mokawa-kawasa nongkon inakó, sin Sia in oyúondon kon wakutu in akuoi diápa.”

YOHANES 1:30

Sia tuata inta imakusud in singogku, moiduduimai kon inakó mamangoi in Sia inta mokawa-kawasa nongkon inakó, sin kon wakutu in akuoi diápa pinolahir, Sia koyongandon oyúon.

YOHANES 10:41

Nobayong intau in namangoi kon i-Nia. Mosia in noguman, “Ki Yohanes in diábí nomia kon soaḷ mita inta mokoherang, táe bayongan inta pinogumannea soaḷ intau tanaa in totuubí.”

OUMAN IN RASUL MITA 13:25

Naonda in motoyongdon mopaḷut in oaidannea, ki Yohanes in noguman kon i monia nanaa, ‘Degá kai monimu kamai yo ki inebí in akuoi naa? Akuoi naa in deemanbí Sia inta oḷaton mako monimu. Táe moiangoibí in Sia inta oḷaton mako monimu nion, moitoḷuan mangoi kon inakó; umpaka tongá mobuka kon togot in sapatu-Nea yo diá mokobaḻí akuoi.’

OUMAN IN RASUL MITA 19:4

Ki Paulus in noguman, “Ki Yohanes nobaptis kon intau mita tatua sinbá mogogaidon in mosia in mogaid kon dosa. Táe wakutu intua ki Yohanes in nopotaau domandon kon intau mita in Israel kon mosia in musti mopirisaya kon Intau inta mamangoi moidudui kon inia, makusud in singognea tua in ki Yesusbí.”