YOHANES 1:25 - Alkitab Singog In Mongondow Masa In Tanaa

²⁵ noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

YOHANES 1:25 ပူးပေါင်းရင်းမြစ်များ

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

MATIUS 3:6

Mosia nongaku muna kon taḷá monia bodongka binaptis i Yohanes kon Ongkag in Yordan tatua.

YOHANES 1:24

Intau mita inta pinotabá in intau in Parisi

OUMAN IN RASUL MITA 5:28

Kainia, “Aindon ilarang totok nami in moiko sinbá diádon mayá bo mopotaa-taau mako in tangoi intau tatua. Táe tanaa indoiaika, onu in inaidan monimu! Moiko in minaya-mayábí doman mako bo nopohabar in soaḷ intau tatua kon bayongan butá in Yerusalem bo moguman doman kon kamibí naa in nokopopisí kon kinopatoian-Nea.”

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.