YOËL 3:4 - Alkitab Singog In Mongondow Masa In Tanaa

⁴ Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

YOËL 3:4 ပူးပေါင်းရင်းမြစ်များ

TAWARIKH 2 21:16

Kon dodai intua oyúon in intau in Pilistin bo intau in Arab inta nogutun kon diug in pogogutunan in intau in Sudan kon diug in pintad. Ki Tuhan in nopogonú kon gina in intau mita tatua sin monubu kon i Yehoram.

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

YESAYA 34:8

Tuata in wakutu i Tuhan moduḷu kon Sion bo motuḻí kon musung-Nea mita.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YEREMIA 47:1

Kon dodai in datu in Mesir diápa nonubu kon Gaza, ki Tuhan in nogumandon kon inakó soaḷ butá in Pilistin.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MATIUS 11:22

Tongá pokotoropdon, “Kon singgai pohakiman, hukuman kon intau mita in Tirus bo Sidon in mogaa-gaan nongkon hukuman kon i monimu.

LUKAS 10:13

“Koboditodon in moiko, Korazim! Bo koboditodon in moiko, Betsaida! Sin aka kuma bo kon ḻipú in Tirus bo Sidon in pinogaidan kon inta mokoherang mita inta ain inaidan kon yua-yuak monimu, yo noonggot bidon mosia in nogogai nogaid kon dosa, bo inangoiandon in panasaḷan.

LUKAS 10:14

Táe kon singgai ponantúan, ḻipu in Tirus bo Sidon in mogampa-gampang ampungan i Allah dika in moiko.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

TESALONIKA 2 1:6

Onu inta irai i Allah moadil dá tua in aidan-Nea, bo tuḻían-Nea in intau inta mopoyoyigamai kon i monimu.

HAKIM MITA 11:12

Nopaḷut mako kon tua ki Yepta nopotabá in intau minayá kon i datu in Amon sin moguman nanaa, “Onu in taḷá nami nodapot in moiko in monububí kon butá nami?”