YOËL 2:7 - Alkitab Singog In Mongondow Masa In Tanaa

⁷ Naonda bo pahlawan, mosia in nonubu, bo noponik kon dinding naonda bo pojuang. Mosia in nopipid notuḻid ná muna, bo diábí momurow andeka tumabat kon bayáan.

YOËL 2:7 ပူးပေါင်းရင်းမြစ်များ

SAMUEL 2 1:23

Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

AYUB 16:14

Sia in nonubu naonda bo intau mopoparang, bo nopobui buimai nonompaḻí kon inakó.

MAZMUR 19:5

Táe kuaninea in kodongogan kon sinangkub in dunia, koyow tatua in noidapot kon popod mita in butá. Ki Tuhan in nobaḷoi kon ḷangit kon i mata in singgai,

AMSAL 30:27

Pangkoḷá, mahaḷuk inta diá in datu, táe mopipid motompia.

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YOËL 2:8

Mosia in diábí mogogundudan, mosia in mayábí podudui in daḷannea. Moyododai in mosia in mondangat kon bayongan poḷoḷukadan, diábí pomayá mako monia in pipidan in mobontow.

YOËL 2:9

Mosia in nonubu kon bonu in kotá, bo noribatuk kon tudu in dindingnea. Mosia in noponik kon bonu in baḷoi mita; naonda bo mononakow, mosia in sinumuot nongin dodimpayó.