YOËL 2:32 - Alkitab Singog In Mongondow Masa In Tanaa

³² Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

YOËL 2:32 ပူးပေါင်းရင်းမြစ်များ

KINOBAḺIAN 4:26

Ki Set in kogadí kon adí ḷoḷaki inta sinangoian ki Enos. Kon tungkuḷ intuata intau nomangkoidon nonangoi kon tangoi Tuhan aka mosia in mosumba.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

YESAYA 10:22

Umpaka intau in Israel tanaa notongkai in kobayongnea in bungaion kon dagat, tongábí tongonumai in mobui mangoi. Hukuman i Tuhan in nodiugdon, bo totuu kon patusbí bo moadil in bangusa tatua in yopúon.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YEREMIA 31:7

Ki Tuhan in noguman, “Podondongdon takin ḷunganga in gina kon i Israel, umat-Ku – bangusa inta pinoḷontú nongkon bayongan in bangusa. Podondongdon in dondong dodayow, bo potaaudon ‘Ki Tuhan ain noposaḷamat kon i inta ki agat in umat-Nea.’

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

OBAJA 1:17

“Táe kon Buḷud in Sion, oyúonbí in mosaḷamat, bo buḷud tatua in mobaḻíbí tampat inta tondíon kon i-Nakó. Dá buí i Yakub in buidon mokadai kon butá budel monia.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

MIKHA 5:3

Aka pongawasa tatua mamangoi, Sia in momarentabí kon umat-Nea podoyon kon ropot bo kawasa nongkon i Tuhan Allahnea tontaní. Umat-Nea in mobiagbí moodom, popisí in bayongan in intau kon dunia naa in mongakubí kon kawasa-Nea,

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YOHANES 4:22

Moiko intau in Samaria mosumba kon i inta diá kinotaauan monimu, táe aka kami intau in Yahudi nosumba kon i-Nia inta kinotaauan nami, sin kasaḷamatan in namangoi nongkon intau in Yahudi.

OUMAN IN RASUL MITA 15:17

sinbá onda intau in Yahudi inta diápa nopirisaya kon i Allah komintan motayak kon i Tuhan, takin bayongan in intau inta deeman intau in Yahudi inta aindon muna inoiní-Ku mobaḻí umat-Ku.’ Natua in kai Tuhan,

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

SURAT I PAULUS KON JAMAAT RUM 11:5

Natua doman in mobaḻí tanaa mako: Oyúonpa doman topiḻik in intau mita inta ain piniḻí i Allah sin barakat-Nea.

SURAT I PAULUS KON JAMAAT RUM 11:7

Dá naonda degá? Intau in Israel diá nokouḻí kon onu inta sinayak monia. Tongábí topiḻik in intau mita inta ain piniḻí i Allah in nokouḻí. Intau mita ibanea aindon notogat in gina monia in mokodongog kon oiní i Allah.

SURAT I PAULUS KON JAMAAT RUM 9:24

Kitabí naa inta ain inoiní-Nea. Deemanbí tongá intau in Yahudi, táe bangusabí doman mita ibanea.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.