YOËL 2:30 - Alkitab Singog In Mongondow Masa In Tanaa

³⁰ Kon ḷangit bo kon butá mobayong in aidan-Mu in inta mokoherang. Moḷoḻimodan, dokot in tuḷú bo kapungan in poyok.

YOËL 2:30 ပူးပေါင်းရင်းမြစ်များ

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

YEREMIA 4:28

Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

ZAKHARIA 14:6

Aka singgai tatua moiangoi, yo diá bidon in tompot motumping andeka eis.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

YOSUA 8:20

Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel,

WAHYU 18:18

Bo nomaḷú wakutu in mosia nokoontong kon poyok mobunod nongkon tuḷú inta nomokakak kon kotá tatua. Mosia in nomaḷú, “Diábí kon dodai in onda oyúon in kotá ibanea ná kotá inta moḷoben tanaa!”

WAHYU 18:9

Datu mita kon dunia naa inta noitakin nogaid kon inta mokotor takinnea bo ibog in bobay tatua, in mongombaḷbí bo mogamui kon kotá tatua aka mosia in mokoontong kon poyok mobunod nongkon tuḷú inta momokak kon inia.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.

HAKIM MITA 20:38

Táe mosia in muna bidon noyopakat kon aka oyúondon in poyok mobunod kon bonu in kotá,

HAKIM MITA 20:40

Táe daḻídon in poyok nomangkoi nomonik nongkon yua-yuak in kotá in Gibea. Intau mita in Benyamin noitaḻikokog naonda in mosia nobobui bo nokoontong kon bayongan in kotá monia nopokak.