YOËL 2:26 - Alkitab Singog In Mongondow Masa In Tanaa

²⁶ Tugatbí in kaanon kon i monimu bo mokorasabí kon mobotug. Ki Tuhan Allahmu in pomuliaanbí monimu, sin nobayong in inta mokoherang in inaidan-Nea kon inimu. Umatku in diá bidon motaau in tososingkuḻe mako!

YOËL 2:26 ပူးပေါင်းရင်းမြစ်များ

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

NEHEMIA 9:25

Umat-Mu nogagow kon benteng mita poḷoḷukadan, butá inta mopia bo baḷoi inta nopuḻing in kaoyúonan. Parigí mita bo bokaká mita in tubig ginamá monia, gobá in anggur, pangkoi in zaitun bo ayop mita ibanea. Iḷumongow in mosia sin mongaan kinooibogbí in gina. Bayongan in mopia inta inogoi-Mu pinaké monia.

MAZMUR 103:5

Sia inta nopoorop kon kobiaganmu in inta mopia, dá iko in umuran moguod naonda bo ḷagapan boniá.

MAZMUR 116:7

Pinoodomku in ginaku, sin ki Tuhan in mopia kon inakó.

MAZMUR 13:6

Sin akuoi in mopongata in tabi-Mu, dá moḷunganga in akuoi sin Iko in noposaḷamat kon inakó. Akuoi in moibog mopoyaput in dondong kon i Tuhan, sin Sia in nopoaid in mopia kon inakó!

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 37:19

Kon tungkuḷ in mororiga, diábí moajar in mosia, kon dodai in malarat in kaanon yo mosia in diábí kodaitan.

MAZMUR 67:5

Igumon mako bayongan in bangusa morogiow pia in gina, bo modondong takin ḷunganga in gina. Sin moadil in pomomarenta-Mu bo mokapit kon bayongan in bangusa kon dunia.

MAZMUR 72:18

Dinayo-dayowdon in ki Tuhan, Allah in Israel! Tongábí Sia in mogaid kon inta mokoherang mita.

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 29:22

Tuamai ki Tuhan, ki Allah Israel inta nopoḷuat kon i Abraham, tanaa in noguman, “Bangusa-Ku, moiko in diá bidon singkuḻeon bui bo pogotmu in diá bidon mobilai bui popisí in mooyá.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 54:4

Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

IMAMAT 25:19

Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

IMAMAT 26:5

Bungai in boyó kon butá monimu moguntu-guntuḷ, modapot in aka moiangoidon in wakutunea mosipú kon bungai in anggur, umuranpa doman in moiko moratab kon gandum. Bo aka wakutuneadon momuḷa bui kon gandum, moiko in umuranpa doman mosipú kon bungai in anggur. Moiko in diábí kodai-daitan in kaanon bo mobiag motompia kon butámu.

MIKHA 6:14

Moiko in mongaanbí, táe diábí mobaḻí mobotug – sedang bo umuranbí gogoyon. Moiko in mogakutbí kon pakakat mita, táe diá mokopotagú. Onukabí in tagúon monimu in rimumudon-Kubí kon bonu in parang.

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

SURAT I PAULUS KON JAMAAT RUM 10:11

Kon bonu in Buk Motusi ain pinais nanaa, “Intau inta mopirisaya kon i-Nia in diábí pokopooyáanmai.”

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

ULANGAN 11:15

bo bonok kaanon in bobiagonmu. Bayongan in kaanon inta paraḷuon monimu in koposadiaan-Neabí kon monimu.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 12:18

Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

ULANGAN 8:10

Moiko in kinooibogbí in mongaan, bo mopoyaput in sukur kon i Tuhan Allahmu sin butá mopia inta inogoi-Nea kon inimu.”

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

YOHANES 1 2:28

Pogumanku bui kon i monimu adíku mita: Kobiag umuran motobatú takin i Kristus, sinbá aka Sia in mamangoidon bui, yo kita in diádon moondo-ondok in tumayow kon i-Nia, bo diá domandon mooya-oyá.