YOËL 2:20 - Alkitab Singog In Mongondow Masa In Tanaa

²⁰ Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

YOËL 2:20 ပူးပေါင်းရင်းမြစ်များ

DATU MITA 2 8:13

“Uḻe, akuoi naa in intau inta diá in mangaḻenea,” tubag i Hazael, “diábí in kawasa inta námai tua in kotoyang!” “Pinoontongdon i Tuhan kon inakó kon iko in mobaḻí datu kon Siria,” tubag i Elisa.

MAZMUR 126:3

Bo totuubí kon ki Tuhan in nogaidon kon inta mongotoyang kon i naton! Tuamai in mopia in gina naton!

IḶUAIAN 10:19

Dá binuroudon bui i Tuhan in pinogogirup in tompot, pinangkoidon nongkon toyopan inta totok in moropot. Pangkoḷá mita tatua inirup in tompot bo pinobayá in Dagat Gelagah. Tobatúmai diádon in kinotaḷáan kon butá in Mesir.

IḶUAIAN 8:14

Intau in Mesir nosipun kon tumpaḷak mita inta ain minatoi tatua, nodapot in nobontu-bonturung, nodapot in bayongan butá tatua nobódon in bongkog.

YESAYA 34:3

Mayat mita monia in diá bidon ḷobongon, táe pomayádon mako moburuk bo mobó. Buḷud mita mobaḻídon mopura popisí in koiḻigan in dugú monia.

YEHEZKIEL 47:18

Pinosigadan kon dotá in pomukaan nopobayá ná toḷatan, nongkon tampat tobatú kon sigad in butá in Damsyik bo butá in Hauran. Dá Ongkag in Yordan in nobaḻí sigad in butá in Israel kon dotá in toyopan bo Gilead kon dotá in pomukaan, nodapot kon Tamar kon pintad in Laut Mati.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

ZAKHARIA 14:8

Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

MALEAKHI 3:11

Diábí pomayá-Ku mako in pangkoḷá momoguyaat kon bungai in boyómu, pangkoi mita in anggurmu in modatogbí totok in bungainea.

ULANGAN 11:24

Komintan in butá inta yitakan monimu in mobaḻíbí kapunyaanmu. Butámu in mobendarbí nongkon padang gurun kon dotá in toḷatan modapot kon Buḷud in Libanon kon utuan, bo nongkon Ongkag in Eprat kon pomukaan modapot kon Dagat Toyuak kon toyopan.