YOËL 2:2 - Alkitab Singog In Mongondow Masa In Tanaa

² Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YOËL 2:2 ပူးပေါင်းရင်းမြစ်များ

MAZMUR 10:6

Sia in mosingog kon bonu in gina, “Akuoi in diábí taḷowon, bo kinoouput in imbuían naonda bo intau inta diá nobiag moraat.”

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

IḶUAIAN 10:14

inta totok in modamaḷ totok nodapot in notoimpaḷotdon in butá tatua. Diápa dodai onda intau nokoontong kon pangkoḷá inta námai tua in kobayongnea, bo nopaḷut mako kon tua diá bidon bui nobaḻí in soaḷ ná tatua.

IḶUAIAN 10:6

Komaḻigmu, baḷoi mita in pogawaimu bo baḷoi mita in rayat in mopuḻingdon in pangkoḷá. Bodito tanaa in motoya-toyang kon onu inta nokoimontandon pinouma kon mogoguyang monimu.’ ” Onda intua ki Musa nomurow bo minayá.

IḶUAIAN 20:21

Táe intau mita tatua umuranbí sinimindog iyumayú, bo tongádon ki Musa in dinimiug kon goḷom norondí kon tampat inta inangoian i Allah.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 13:6

Diá noonggot kon tua ki Tuhan in nopotabá bui kon inakó minayá in Ongkag in Eprat sin mogamá kon bintoḷ nopoḷok tatua.

OMBAḶ 1:12

“Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

YEHEZKIEL 32:7

Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

YEHEZKIEL 38:9

Sia bo tontaranea takin nobayong in bangusa inta dinumudui kon inia in mamangoibí monubu naonda bo deḷang bo mongoḷob kon bayongan in butá naonda bo goḷom.”

DANIEL 12:1

Malaekat inta nogiḷambung in pakeang linen tatua in noguman bui, “Kon dodai intua moitukatbí in malaekat moḷoben ki Mikhael moḷoḷukad kon bangusamu. Onda intua moiangoi in sempo in roriga inta diá in poḻiuan pinangkoi kon oyúondon in bangusa mita. Táe bayongan in intau nongkon bangusamu inta tangoinea pinais kon buk i Allah, in posaḷamatonbí.

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

YOËL 1:6

Tontara in pangkoḷá nonubu kon butá naton; mosia in moropot bo diá koiyapan in kobayongnea, ingiponnea in ná koḷanit in uwaḷa in singa kobaayan.

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 2:5

Mosia in ḷumandu-ḷanduk kon tudu in buḷud, singognea in naonda bo koḷangká mako in kereta in parang bo naonda bo rosik in tuḷú inta nokaan kon wawa;. Mosia in nopipid naonda bo tontara inta motorindog, inta nosadiadon mayá moparang

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

ZEPANYA 1:7

Singgai i Tuhan in nodiugdon, kon singgai tatua oyúonbí in pomiaan i Allah; tuamai in kibio-biómaidon kon tayowon-Nea. Ki Tuhan in nosadiadon momatoi kon umat-Nea naonda bo kuruban sosumba bo Sia in nogoinídon kon musung mita in Yohuda.

ZAKHARIA 14:6

Aka singgai tatua moiangoi, yo diá bidon in tompot motumping andeka eis.

MATIUS 24:21

Sin kon wakutu intua koangoian in roriga totok, roriga tatua in diápa kon dodai in onda in nobaḻí nongkon pinangkoipamai in dunia naa pinomia nodapot masa in tanaa, bo roriga tatua in diá bidon bui mobaḻí.

MARKUS 13:19

Kon singgai mita inta mokoondok tatua, moiantugbí in roriga inta diápa dodai onda in nobaḻí pinangkoipamai pinomia i Allah in dunia naa nodapot i masa in tanaa, bo diábí domandon mobaḻí bui.

ULANGAN 32:7

Toropdon in singgai muna, taridiaidon in singgai mita tungkuḷ intua. Ḻibódon kon guyangamu, sinbá mosia in mopotaau kon inimu.

IBRANI 12:18

Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

WAHYU 9:2

Dá tundi tatua in nomukatdon kon ḷoḻingkop in bubú in irang popatoi tatua, dá iḷumuaidon in poyok nongkon bonunea naonda bo poyok kon tungku moḷoben. Mata in singgai bo baḷangon sinimindip lantaran poyok inta nongkon bubú tatua.