YOËL 1:20 - Alkitab Singog In Mongondow Masa In Tanaa

²⁰ Nodapot in biag mita ḻindong kon kayuon nokuani kon ini-Mu mokituḷung. Mosia in diá mokoguḻí kon rogang, sin ongkag mita nongoingkagdon komintan.

YOËL 1:20 ပူးပေါင်းရင်းမြစ်များ

DATU MITA IMITÁNEA 17:7

Naonda in noḻin onggotdon nongkon tua, noingkag domandon in tapá tatua sin diádon nonguya-nguyan.

DATU MITA IMITÁNEA 18:5

Ki Ahab noguman kon i Obaja, “Koḻigai modondaḷoi in kita kon bayongan in butá tanaa bo motayak kon bokaká andeka ongkag. Degá bo mokouḻíbí in kita kon bonok sinbá mobiagpa in kabaḷo bo bagal naton sinbá diáka bidon in kita moḻimod kon tobatúmai in bobiagon naton.”

AYUB 38:41

Ki ine in motuḷung kon ḷagapan kawag inta gogoyon bo inta ḷumayug magí-mako motayak kon kaanon? Ki ine doman in motuḷung aka ki adínea mita momaḷú kon i-Nakó moigum kon kaanon?

MAZMUR 104:21

Singa mita batánea moganggor motayak kon kaanonnea, moigum kon kaanon inta sinadia i Allah.

MAZMUR 145:15

Bayongan inta nobiag in mongamangbí mako kon ini-Mu; Inogoian-Mu in mosia in kaanon kon wakutunea.

MAZMUR 147:9

Sia in nopokaan kon bobiagon, bo kon adí in ḷagapan kawag inta kumarakmai mogoiní.

YEREMIA 14:4

Uyan diá moḷabú bo butá in moingkag mopobota-botak; monononggobá mogoḻingoi kon pogot sin mogagawangdon totok.

YEREMIA 28:8

Nabi mita inta noiuna kon inaton ain nonoḻindap kon poparangan, bodito, bo yampoi in takit in moiantug kon mobayong in bangusa bo dodatuan inta mongoropot.

YOËL 1:18

Bobiagon mogamui bo mogagawang; diádon in rawang in bonok pongaanannea. Paanan in domba mororiga domandon.