YESAYA 9:3 - Alkitab Singog In Mongondow Masa In Tanaa

³ Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

YESAYA 9:3 ပူးပေါင်းရင်းမြစ်များ

NEHEMIA 9:23

Binaḻí-Mu in buí monia naonda bo kobayong in tundi mita kon ḷangit. Inogoian-Mu in mosia in butá sin pogutunan monia, butá inta ain pinodandi-Mu kon mogoguyangnea.

AYUB 12:23

Bangusa mita binaḻí-Nea nodugang bo nobiag notompia, bo pinutúan-Nea in mosia dapot in norimumud.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 119:162

Dandi-Mu in nokosanang kon ginaku, naonda bo intau inta nokouḻí kon kapunyaan.

MAZMUR 4:7

Mobarong in intau in moḻibó, “Ki ine in momarakat kon inaton?” Igumon mako koibog-Mupa in kami, o Tuhan.

YESAYA 10:26

Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 14:5

Ki Tuhan ain nonimpod kon pinomarentaan in pongawasa mita inta moraat

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YESAYA 54:1

Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 61:7

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

YESAYA 65:14

Totuubí, mosia in morogiow takin ḷunganga in gina, táe moiko in mongombaḷbí takin moajar in gina.

YESAYA 65:18

Pokosanangdon bo pokoḷungangadon modapot in mononoi sin onu inta binaḻí-Ku. Akuoi in nomaḻí kon Yerusalem mobagu nopuḻing in ḷunganga, bo intaunea mita in morogiow.

YESAYA 66:10

Poḷungangadon moyotakin in Yerusalem, ei bayongan in intau inta motabi kon inia. Moiko inta nonogumatoi popisí in sia, tanaa in motaaudon morame moyotakin.

YEREMIA 31:7

Ki Tuhan in noguman, “Podondongdon takin ḷunganga in gina kon i Israel, umat-Ku – bangusa inta pinoḷontú nongkon bayongan in bangusa. Podondongdon in dondong dodayow, bo potaaudon ‘Ki Tuhan ain noposaḷamat kon i inta ki agat in umat-Nea.’

HOSEA 4:7

Kodugang-kodugang in moiko, kodugang-kodugang doman in dosa monimu kon i-Nakó, ei imang mita! Tuamai in kaadaan monimu in baḷuian-Ku: Moiko in diá bidon horomaton, táe singkuḻeon bidon.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

ZAKHARIA 10:8

Umat-Ku in oiníon-Ku bo sipunon-Ku tobatúon. Mosia in poḷuaton-Ku bo baḻíon-Ku mobayong ná dungkuḷmai.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

LUKAS 11:22

Táe aka oyúon in moiḻiu in ropot kon inia in mamangoi monubu bo monaḷow kon inia, dá daitonbí agowon in intau moropot tatua in bayongan pakakatnea inta mobaḻí kinodoyonan in ropotnea poḷukad kon baḷoinea. Onda intua daitonnea bo sila-silaion mako in barang in intau inta pinogagowannea tatua.

OUMAN IN RASUL MITA 8:8

Dá totok nopia-pia in gina in intau mita kon kotá in Samaria tatua.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

HAKIM MITA 5:3

Indongogaidon ei datu mita bo pangeran, akuoi modondong kon i Allah in Israel, tuata in ki Tuhan.

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

HAKIM MITA 8:12

Ki Zebah bo ki Salmuna, datu doyowa in intau in Midian tatua noḷagui, táe inaḷowan i Gideon bo poḷat dinomoknea in taya dua tua, dá bayongan in tontara monia notoboḻingodon.

SAMUEL 1 30:16

Bo inatodnea in mosia kon tampat in banselang mita tatua. Kon dodai intua banselang mita tatua noyotontaní kon bayongan in tampat tatua, yogot in nongaan, nonginum bo norame totok sin nobayong totok in barang inagow inta ain dinia monia nongkon butá in Pilistin bo Yohuda.