YESAYA 7:9 - Alkitab Singog In Mongondow Masa In Tanaa

⁹ Israel in diábí morop-ropot nongkon Samaria, ibukotánea, bo Samaria in diábí moropo-ropot nongkon i Datu Pekah. Aka moiko diá totu-totuu mopirisaya kon i-Nakó,, notantú bidon kon moiko in diábí mokotongod.”

YESAYA 7:9 ပူးပေါင်းရင်းမြစ်များ

DATU MITA 2 15:27

Kon taong noginḻima nopuḷú bodoyowá kon pinomarentaan i Datu Uzia kon Yohuda, ki Pekah ki adí i Remalya in nobaḻí datu in Israel. Sia in nomarenta kon Samaria doyowa nopuḷú notaong in koonggotnea.

TAWARIKH 2 20:20

Nopoikoḷomai kon singgai, subupa totok, rayat iḻumuai bo minayá in butá kon padang gurun kon diug in Tekoa. Kon dodai in mosia mobuatdon, ki Yosapat nobogoi in koyow tanaa kon i monia, “Rayat in Yohuda bo Yerusalem! Popirisayabí kon i Tuhan Allahmu, dá mokotongodbí in moiko. Tarimadon in tonggina mita in nabimu mita, dá kodapotanbí monimu in sinayak monimu!”

YESAYA 28:1

Moboditodon in kotá inta kino ibo-ibog in intau mita moḷoḷoḷangu in Israel! Kogaganea in mopopatdon naonda bo bungang inta noḷaḷow kon tudu in uḷu monia. Moboditodon in kotá inta noḷantud monik kon yuak in ḷopá inta noḷumbá, inta kinosanang in intau mita inta nongoḷoḷangudon totok.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 7:10

Ki Tuhan in nopotaau in koyow ibanea kon i Ahas:

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

YESAYA 9:9

“Baḷoi mita nongkon tela noumpagdon, táe buibí posindogon nami in baḷoi mita mobagu inta pomiaan nongkon batu. Pangkoi mita in ara pinupuḷdon, táe baḷuaianbí nami in kayu ḷokuyú in Libanon inta totok in mopia.”

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

OUMAN IN RASUL MITA 27:11

Táe porwira tatua in mopiri-pirisayabí kon mododia kon kapaḷ tatua bo kapitennea bo dika in inta pinoguman i Paulus.”

OUMAN IN RASUL MITA 27:25

Tuamai utatku mita, umuran korigonon in gina! Sin akuoi in mopirisayabí totok kon i Allah kon bayongan tua in mobaḻíbí ná inta pinoguman-Neadon kon inakó.

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

YOHANES 1 5:10

Tuamai, intau inta mopirisaya kon i Adí i Allah ain notarima kon kosakusian tatua kon bonu in ginanea; táe intau inta diá mopirisaya kon i Allah, inanggapnea in ki Allah tua in mouboḷ, sin diá in sia mopirisaya kon onu inta pinoguman i Allah soaḷ ki Adí-Nea.