YESAYA 7:17 - Alkitab Singog In Mongondow Masa In Tanaa

¹⁷ Ki Tuhan in mopoangoibí in datu in Asyur, bo iko takin motoḷuadímu takin rayatmu in mokorasa kon singgai mita inta nopuḻing in roriga inta motoyang totok nongkon onu inta ain nokoimontan kinorasaan monimu pinangkoi kon kinobotakan in dodatuan in Israel bo Yohuda.

YESAYA 7:17 ပူးပေါင်းရင်းမြစ်များ

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.