YESAYA 7:1 - Alkitab Singog In Mongondow Masa In Tanaa

¹ Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YESAYA 7:1 ပူးပေါင်းရင်းမြစ်များ

DATU MITA 2 15:25

Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

DATU MITA 2 15:27

Kon taong noginḻima nopuḷú bodoyowá kon pinomarentaan i Datu Uzia kon Yohuda, ki Pekah ki adí i Remalya in nobaḻí datu in Israel. Sia in nomarenta kon Samaria doyowa nopuḷú notaong in koonggotnea.

DATU MITA 2 16:1

Kon taong impuḷú bo pitu kon pinomarentaan i Datu Pekah adí i Remalya kon Israel, ki Ahas ki adí i Yotam in nobaḻí datu in Yohuda.

DATU MITA 2 16:5

Kon tungkuḷ intua datu in Edom in nongawasa bui kon kotá in Elat bo nopoguntun kon intau mita in Yohuda inta nogutun kon tua. Intau in Edom noiduduimai kon tua in namangoi bo nogutun notantú kon kotá tatua dapot in singgai naa. Kon tungkuḷ doman intua ki Rezin datu in Siria bo ki Pekah datu in Israel nonubu bo nongopung kon Yerusalem, táe diá nokotaḷow kon i Ahas.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 8:6

Guman-Nea, “Bangusa tanaa nondoí kon tubig inta moḷonong nongkon Tapá in Syiloah, bo nosanang takin ki Datu Rezin bo ki Datu Pekah.

YESAYA 9:11

Bangusa in Siria kon dotá pomukaan bo bangusa in Pilistin kon dotá toyopan in nogagow kon Israel. Táe ki Tuhan in sinumorúpabí bo umuranpa mohukum.

YEHEZKIEL 27:16

Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.