YESAYA 66:1 - Alkitab Singog In Mongondow Masa In Tanaa

¹ Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YESAYA 66:1 ပူးပေါင်းရင်းမြစ်များ

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.

TAWARIKH 2 2:5

Ibogonku sinbá Baḷoi Tuhan inta bain posindogonku tatua mobaḻí baḷoi inta momulia, sin ki Allah nami in momuli-mulia nongkon ilah mita inta taondaka.

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

MAZMUR 132:7

Igai mayá in kita kon tampat pogogutunan i Tuhan, bo mosumba kon i-Nia kon tayowon in pomomarentaan-Nea.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 60:13

Onu inta nobaḻí mokosanang kon kayuon in Libanon in akutonbí poangoi kon inimu kayu in berangan, ḷokuyú bo eru sin momia kon Baḷoi-Ku momulia, bo mopogaga in sosindogan-Ku.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 12:6

Akuoi moguman kon i monimu: kon tanaa oyúon in noiḻiu kon Baḷoi Tuhan.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

OUMAN IN RASUL MITA 17:24

Ki Allah inta nomia kon dunia bo tombonunea mita, Sia tuata in ki Tuhan in ḷangit bo butá. Sia in diábí nogutun kon baḷoi in dewa-dewa inta pinomia in ḻima intau.