YESAYA 6:6 - Alkitab Singog In Mongondow Masa In Tanaa

⁶ Onda intua tobatú kon sigad in mahaḷuk tatua iḷumayug namangoi kon inakó nodia kon baga inta sinupitnea nongkon mezbah.

YESAYA 6:6 ပူးပေါင်းရင်းမြစ်များ

YEHEZKIEL 10:2

Onda intua ki Allah in noguman kon intau inta nogiḷambung in linen tatua, “Tuotdon kon sigad in roda mita inta kon ḻimonag in kerub mita tatua, bo gamádon in toyangkom baga in tuḷú. Bo potabudon in baga tatua kon ḻimonik in kotá.” Sia in dinumudui, bo sinaridianku.

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 1:7

Aka soaḷ malaekat mita, nanaa in guman i Allah, “Binaḻí i Allah in malaekat-Nea mita tompot, bo bobantung-Nea mita binaḻí-Nea dokot in tuḷu.”

YESAYA 6:2

Koḻibu-Neamai sinimindog in mahaḷuk mita inta noyongkit naonda bo tuḷú, kon batúannea onom in koḻikipnea. Koḻikip doyowa nongoḷob kon pogot, doyowa doman in nongoḷob kon awaknea, bo koḻikip inta doyowa in pinaké iḷumayug.

IMAMAT 16:12

musti in sia mogamá kon tampat in tuḷú nongkon mezbah bo bonuannea in baga in tuḷú kopuḻingon bo doyowa noyangkom in dupa moaḷus, bodongka diaannea tumuot kon Yuang Totok Motusi.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

OUMAN IN RASUL MITA 2:3

Bo inontong monia in dilá mita naonda bo dokot in tuḷu dumakit magí mako bo poḷat dinumompá kon i monia komintan.

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

PINOGIAPAN 16:46

bo ki Musa noguman kon i Harun, “Gamápa in tampat in tuḷúmu, bonuaidon in baga in tuḷú nongkon mezbah bo tududon in dupa tatua. Ḷagidon diá intua kon umat bo pomiadon kon upacara pongampungan kon dosa kon i monia. Koḻikat! Torú i Tuhan moḷobendon totok bo yampoi momangkoidon.”

IḶUAIAN 25:38

Pomiaai doman kon alat ponondarit kon sumbu bo totaḷudnea nongkon buḷawan taakan.

YEREMIA 1:9

Onda intua ki Tuhan nopotuntun in ḻima-Nea, bo noḻiai kon bibigku bo noguman, “Indongogai bo potaaudon in singog mita inta potaau-Ku naa.