YESAYA 57:4 - Alkitab Singog In Mongondow Masa In Tanaa

⁴ Ki ine in kosingan monimu? Ki ine in singkuḻeon monimu? Diá kinotaauan monimu kon moiko in buí in intau mouboḷ bo momomarontak?

YESAYA 57:4 ပူးပေါင်းရင်းမြစ်များ

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

MAZMUR 22:13

Naonda bo paanan in bantong, musung noḻipung kon inakó, naonda bo bantong kaḻig nongkon Basan mosia in nongopung kon inakó.

MAZMUR 22:17

Akuoi in kinopung in paanan intau moraat; naonda bo paanan in ungkú mosia in noḻibut kon inakó, nonurak kon ḻima bo sioḷku.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

MAZMUR 69:12

Akuoi in nopogidaing in karong nobaḻí tomponuot nonogumatoi, táe sinigid monia in akuoi.

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 30:9

Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YESAYA 57:5

Moiko in mosumba kon dewa mita koḷumbaan takin mopomayá mako in awakmu dumudui kon ibog kon ḻimonag in pangkoi mita in kayu karamatmu. Moiko in moḷobong kon i adímu mita kon oyuk in ongkag bo kon sigad mita in batu.

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

YEHEZKIEL 2:4

Mosia in pamandot bo diá mohoromat kon i-Nakó. Iko in potabá-Ku mayá kon i monia mopotaau kon onu inta bain potaau-Ku, Tuhan Inta Totok in moḷantud kon i monia,

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

PINOGIAPAN 16:11

Aka iko bo dumoduduimu mita mongunsingog kon i Harun, yo totuubí kon moiko ain noḷawang kon i Tuhan!”

MATIUS 13:38

Gobá tua in dunia. Bibit tatua in intau mita inta ain nobaḻí umat i Allah. Yo padang tatua in intau mita inta diá mopia.

MATIUS 27:29

Mosia in noraot doman kon kawa dodugian, bo pinopobandow kon uḷu-Nea. Mosia in nopokadai doman in aog kon ḻima-Nea koḷanan, onda intua sinumungkud in mosia kon tayowon-Neamai bo mopoyagi-yagimai kon i-Nia, kai monia, “Salam, ei Datu intau Yahudi!”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

KOLOSE 3:6

Soaḷ mita natua inta mokopomuká kon yaat in gina i Allah kon intau mita inta diá motoindudui kon i-Nia.

YOSUA 10:21

Onda intua bayongan in tontara i Yosua nobui mangoi kon i Yosua takin saḷamat kon pinononḷoḷaigan kon Makeda. Diá tobatúmai in intau kon butá tatua in mokobaḻí mosingog kon onu bo onu sin monontot kon intau in Israel.

PETRUS 2 2:13

Saḷaku tontuḻí in aid monia inta mongoromú tua, yo mosia in mokorasabí kon roriga. Aka kon i monia yo soaḷ mita inta mokosanang kon gina monia in mogaidbí kon onukabí kon wakutu in singgaipa sin mopoorop kon ibog in awak monia. Aka mosia ḻimitú moyotakin monimu kon rame bo mongaan moyotakin, yo oaid monia tua in mokobú lantaran mosia moḷoḷangu in ibog awak monia.