YESAYA 52:4 - Alkitab Singog In Mongondow Masa In Tanaa

⁴ Koḻipod in moiko minayá in Mesir bo nogutun kon tua nobaḻí intau ango-angoi. Onda intua Asyur nogamá kon kapunyaanmu takin diá in kinodoyonannea.

YESAYA 52:4 ပူးပေါင်းရင်းမြစ်များ

KINOBAḺIAN 46:6

Mosia in nodia domandon mangoi kon bobiagon bo bayongan kapunyaan inta nouḻí monia kon Kanaan, bodongka nobuat minayá in Mesir. Ki Yakub in nodia kon buínea mita,

KINOBAḺIAN 46:7

bayangan adí bo ompunea ḷoḷaki bo bobay.

AYUB 2:3

Ki Tuhan in noḻibó bui, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau in ná kotoindudui bo kopopianea tua. Sia in nosumba kon i-Nakó bo diábí kon dodai in onda in nogaid kon inta moraat. Sia in umuranpabí mosatia kon i-Nakó, umpakabí iko ain nodondouḷug kon i-Nakó kon mopobodito kon inia umpaka diá in kinodoyonannea.”

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 44:12

Pinomayá-Mu mako in kami in sinotad naonda bo domba, bo pinorarit-Mu in kami kon yua-yuak in bangusa mita.

MAZMUR 69:4

Akuoi in kopia mokuani nodapot in noḷopídon totok bo noingkagdon in sigogowku. Mataku in mopomporí in mogoḷat mako kon totuḷung i Allahku.

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’