YESAYA 51:12 - Alkitab Singog In Mongondow Masa In Tanaa

¹² Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:12 ပူးပေါင်းရင်းမြစ်များ

MAZMUR 118:6

Akuoi in diábí moondok sin ki Tuhan in kotaki-takinku, intau in diábí mokopongonu kon inakó.

PETRUS 1 1:24

Kon bonu in Buk Motusi pinaisdon nanaa: “Bayongan in intau kon dunia naa naonda bo bonok, bo bayongan in kamuliaannea naonda bo bungai in bonok. Bonok moḷaḷow, dá bungainea in mototak doman;

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

AMSAL 29:26

Mobayong in intau mokikoontong kon mongongawasa, táe inta mobogoi in inta moadil, in tongábí ki Tuhan.

MAZMUR 146:4

Aka mosia matoi, mosia in buibí mobaḻí butá; singgai doman tatua bayongan in tomayá monia modait.

MAZMUR 92:7

Intau bodok in diábí mokodoḷop, intau dondunguḷ in diábí mokotaau kon tua.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

SAMUEL 1 15:24

Nokodongogmai kon natua, ki Saul nongaku kon i Samuel, kainia, “Totuubí uḻe kon akuoi ain binaradosa. Akuoi ain iḻimimpat kon parenta i Tuhan bo diádon dinumudui kon totundú i Amá. Akuoi in moondok kon intauku dá dinuduiankudon onu in pinoigum monia.

DATU MITA 2 1:15

Kon dodai doman intua malaekat i Tuhan in noguman kon i Elia, “Dika moondok! Duduidon kon inia mosiḻig kon buḷud tanaa.” Dá tuamai in minayá in ki Elia noyotakin in porwira tatua bo minayá kon i datu.

YESAYA 40:1

Nanaa in tosingogon i Allahmu, “Ḻipoidon, ḻipoidon in bangusa-Ku!

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YEREMIA 38:19

Ki Datu in notubag, “Moondok in akuoi kon intau mita bangusa naton inta ain noḷagui bo dinumotá kon intau in Babel. Dika-dika akuoi ogoi kon i monia bo sikisaan.”

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

SAMUEL 1 17:11

Naonda in ki Saul bo intaunea mita nokodongog kon tontot tatua, noitaḻikokogdon in mosia bo inagían totok in ondok.

SAMUEL 1 21:13

Tuamai, kon tayowon in intau mobayong ki Daud ki ubo-uboḷmai nobundai. Naonda in mosia monungkuḷ modomok kon inia, sia naonda bo diá noratakmai; nongamburung in sia kon ngara in kotá bo nopomayádon mako in ibognea ḷumoḷayat kon kuminea.

YESAYA 8:12

“Dika duíon yopopog onu inta kai monia in yopopog, bo dika moondok kon onu inta kinoondok monia.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YESAYA 61:2

Sia in nopotabá kon inakó sin mopohabar kon naadon in wakutunea ki Tuhan moposaḷamat; sin moḻipoi kon bayongan inta kinopatoian, bo motuḻí kon musung mita monia;