YESAYA 5:8 - Alkitab Singog In Mongondow Masa In Tanaa

⁸ Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 5:8 ပူးပေါင်းရင်းမြစ်များ

AYUB 15:28

Sia in nogutun notantú kon kotá mita inta ain nogoguyaat, kon baḷoi mita inta diá in mogogutun. Kotá mita tatua ain sinantú kon umuran mobaḻí rumbunnea.

AYUB 20:21

Aka mongaan in sia dá kodaitonneabí komintan, tuamai in kobiagannea motompia diá mononoi.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

YEHEZKIEL 11:15

“Ei intau inta ilo-ilow, iko takin yobayatmu mita kon pinoḷumbúan koyogot in oumanonmai in intau mita in Yerusalem. Guman monia, ‘Intau mita inta iḷumbú tatua in noiḻiudon in yayú nongkon Yerusalem aka moibada kon i Tuhan. Butá in Israel ain inogoi i Tuhan kon inaton.’

YEHEZKIEL 33:24

“Ei intau ilo-ilow, intau mita inta nogutun kon apug in kotá mita kon butá in Israel tatua in noguman, ‘Ki Abraham in nokouḻí kon nobayong in butá, bokaka sia in tongábí sia-sia mita. Kita naa in nobayong, dá butá tanaa in nobaḻídon kapunyaan naton.’ ”

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

HABAKUK 2:6

Táe bayongan inta ain pinotungkudnea tatua in monigidbí bo mopoḷoḻeke kon inia. Mosia in moguman nanaa, “Kinutukdon in iko sin nomontuyungdon kon pakakat inta deeman iko in kitogi! Dapotpa in toonu in iko in mopooyúon kon inimu tontaní pongin aid momakisa kon intau mita inta koboḻi kon inimu moguboḻi kon boḻi monia?”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [