YESAYA 5:5 - Alkitab Singog In Mongondow Masa In Tanaa

⁵ Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YESAYA 5:5 ပူးပေါင်းရင်းမြစ်များ

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

MAZMUR 89:40

Pinilat-Mudon in dodandian-Mu takin in mogogundoi-Mu, mahkotanea in pinogambat-Mu kon bonu in yoná.

MAZMUR 89:41

Inumpag-Mu in dinding mita in kotánea, benteng mita in binaḻí-Mudon apug.

AMSAL 24:31

Inta inontongku kon tua in tongábí dugi bo padang. Tondok bo dindingnea in noumpag domandon.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 28:18

Dodandianmu takin popatoi bo yopakatmu takin dunia in intau minatoi in popatandon, dá aka bodito moiangoi, moiko in morimumud ritakan magí-mako.

YESAYA 28:3

Onu inta totok in kinoibog in itoi mita inta nongoḷoḷangu tatua in ritakan.

YESAYA 32:10

Tanaa moiko mokorasa kon moaman, táe degá totaongpamai moiko in kobuḻiandon in kamang, sin bungai mita in anggur mogoguyaat, bo bungai in boyó ibanea in diá domandon.

YEREMIA 18:11

Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YEREMIA 21:4

nopotaau kon i Zedekia kon ki Tuhan, Allah in Israel, noguman nanaa, “Zedekia, Akuoi in monaḷowbí kon tontaramu inta tanaa koyogot in noparang nonayow kon i datu in Babel takin tontaranea. Pakakat mita in parang in tontaramu in sipunon-Ku kon yua-yuak in kotá.

YEREMIA 28:8

Nabi mita inta noiuna kon inaton ain nonoḻindap kon poparangan, bodito, bo yampoi in takit in moiantug kon mobayong in bangusa bo dodatuan inta mongoropot.

YEREMIA 45:4

Ei Barukh! Akuoi, ki Tuhan, koyogot in morumbun kon onu inta ain pinosindog-Ku, bo yogot morabut kon onu inta pinomuḷa-Ku. Sinangkub in dunia in pomiaan-Kubí natua.

OMBAḶ 1:15

Inanggap i Tuhan diá in mangaḻe in bayongan in intauku inta mongotorindog. Inampoi-Nea in bayongan tontara sinbá bayongan in intau tayowmobiagku in moyopú. Iritakan-Nea in bangusaku nodapot in norimumud, ná intau inta nomugut kon bungai in anggur.

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

OMBAḶ 4:12

Kon sigad in datu mita bo intau inta nogutun kon dunia diábí tobatúmai in mopirisaya kon bonawang mita in kotá in Yerusalem kinotuotandon in musung.

DANIEL 8:13

Onda intua dinongogku in malaekat tobatú in noguman kon malaekat ibanea mako, “Modapot degá in toonu in bayongan inta inontong kon oontongon tatua mobaḻí? Modapot in toonu in dosa moḷoben tatua monoḻiu kon sosumba muḷoi in singgai? Modapot in toonu in tontara in soroga bo baḷoi pooibadaan tatua runtaion?”

HOSEA 2:12

Daiton-Kubí yompaton in pangkoi mita in anggur bo pangkoi mita in ara inta podudui kon inia nobaḻí tondan in pinobatuangannea kon intau mita inta nosiug takinnea. Baḷuian-Kubí in gobá mita in anggur bo gobá mita in aranea mobaḻí kayuon; mahaḷuk mita ḻindong in nomoguyaatbí kon tua.

HOSEA 2:14

Ki Tuhan in noguman, “Tuamai in Akuoi in modiabí kon inia mayá in padang gurun; kon tua sia in dondouḷugan-Kubí pongin tosingogon mita in oibogan.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.