YESAYA 48:2 - Alkitab Singog In Mongondow Masa In Tanaa

² Umpaka natua, iko in mongaku doman takin pia in gina kon iko in intau in kotá motusi; bo iko in inumandoḷ kon i Allah in Israel inta sinangoi ki Tuhan inta Totok in mokawasa.

YESAYA 48:2 ပူးပေါင်းရင်းမြစ်များ

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

MAZMUR 48:1

Mazmur in inanakan i Korah.

MAZMUR 87:3

Indongogaidon, ei kotá i Allah, soaḷ mita inta momulia siningog-Nea soaḷ iko:

YESAYA 10:20

Moiangoibí in wakutunea ki agat in bangusa in Israel inta nokoḷagui in diá bidon mopoandoḷ in ukurnea kon bangusa inta mongongawasa inta gogió momutú kon i monia, táe umandoḷ bidon kon i Tuhan, Allah inta mokudus in Israel.

YESAYA 47:4

Ki Allah mokudus in Israel in mopoḷuat kon i naton, tangoi-Nea in ki Tuhan Inta Totok in mokawasa.

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YESAYA 51:15

Sin Akuoibí in ki Tuhan Allahmu, inta nopoḻimbok in dagat dá bokoḷnea in motorauk mako. Inta Totok in mokawasa tuata in tangoi-Ku.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MATIUS 27:53

Bo naonda in ki Yesus nobiagdon bui, mosia iḷumuai nongkon poḷoḷobongan, bo sinumuot kon kotá in Yerusalem. Bo noantó intau nokoontong kon i monia.

MATIUS 4:5

Onda intua ki Yesus in dinia Ibilis minayá in Yerusalem inta sinangoi kotá motusi tua bo sinimindog kon binubungan Baḷoi i Tuhan,

SURAT I PAULUS KON JAMAAT RUM 2:17

Táe tanaa naonda in moiko uḻe utat? Moiko in mongaku intau Yahudi. Moiko in kinumadai kon hukum agama Yahudi bo mopia totok in gina monimu kon hubungan monimu takin i Allah.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.

WAHYU 21:2

Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.

WAHYU 22:19

Bo aka oyúon in intau in monggaat kon tobatúmai in tosingogon inta pinoyaput tanaa, dá gaatan doman i Allah in tonsilainea inta ná ain pinais kon bonu in buk tanaa, silainea inta nongkon pangkoi in kayu inta mobogoi in kobiagan bo nongkon kotá motusi tatua.

HAKIM MITA 17:13

Dá ki Mikha noguman, “Akuoi in noyakinbí kon tanaa in ki Tuhan in momiadon kon inta mopia kon inakó sin oyúondon in intau in Lewi inta nobaḻí imangku.”