YESAYA 41:9 - Alkitab Singog In Mongondow Masa In Tanaa

⁹ Iko in ginamá-Kudon nongkon popod mita in dunia, Inoiní-Ku nongkon tampat mita inta moyayú totok. Guman-Ku, ‘Iko in mogogundoi-Ku; Akuoi in diábí mondoí kon onu inta piniḻí-Ku.’

YESAYA 41:9 ပူးပေါင်းရင်းမြစ်များ

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 94:14

Sin ki Tuhan in diábí monaḷámai kon umat-Nea; Sia in diábí moḻiong kon kapunyaan-Nea.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 41:2

Ki ine in nopotabá kon pongawasa nongkon dotá pomukaan, bo nobogoi kon inia in kauntungan noyo-noyodudui? Ki ine in nomaḻí kon inia nonaḷow kon bangusa mita, bo nopotungkud in datu mita kon inia? Pitownea nomaḻí kon i monia noirarit naonda bo ḷobud, piotnea nopotabud kon i monia naonda bo wawa inirup in tompot.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 44:1

Ki Tuhan in noguman, “Indongogaidon, ei Yakub mogogundoi-Ku, ei Israel, umat inta piniḻí-Ku!

YESAYA 45:4

Iko in inoiní-Ku bo inogoian-Ku in donoi, umpakabí diá kinotaauanmu in Akuoi. Potabá-Ku in iko motuḷung kon Israel mogogundoi-Ku, sin mosia in bangusa inta piniḻí-Ku.

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

LUKAS 13:29

Intau mita inta nongkon Pomukaan, Toyopan, Utuan bo Toḷatan komintan mamangoi sin morame kon bonu in Dunia Mobagu i Allah.

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.