YESAYA 41:10 - Alkitab Singog In Mongondow Masa In Tanaa

¹⁰ Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:10 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 31:5

Bo ki Yakub in noguman kon i monia, “Inontongkudon kon ki amá monimu in diádon ná biasamai in kopopianea kon inakó; táe ki Allah inta sinumba i amáku in koyota-yotakinkubí.

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

SAMUEL 2 22:19

Mosia in nonubu kon inakó kon dodai in akuoi kino antugan in roriga táe ki Tuhan in nobaḻí mototuḷungku.

TAWARIKH 1 12:18

Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.

TAWARIKH 2 20:17

Moiko in diá bidon paraḷu moropatoi kon bonu in parang tanaa. Bayádon kon tampat inta ain sinantú kon inimu bo oḷatdon kon tua. Moiko in mokoontongbí kon ki Tuhan in mobogoi in kauntungan kon i monimu. Ei intau in Yohuda bo Yerusalem, dikadon moḻia-ḻiaw in gina andeka moondok. Bayádon kon parang tatua, ki Tuhan in motuḷungbí kon i monimu!”

TAWARIKH 2 32:8

Kon inia in ropot in intau, táe kon inaton in ropot i Tuhan Allah naton inta motuḷung bo moparang kon kopontingan naton.” Nokodongogmai kon tosingogon mita in datu monia tatua, rayat inangoian in barani.

MAZMUR 144:11

Posimparutdon in akuoi kon kedang in intau moromú; posaḷamatdon in akuoi nongkon kawasa in intau ango-angoi inta moibog monguboḷ bo monompobaḻik, bo mopongibot in uboḷ.

MAZMUR 144:8

inta moibog monguboḷ bo monompobaḻik, bo mopongibot in uboḷ.

MAZMUR 145:14

Ki Tuhan in motuḷung kon intau inta kinoantugan in susa, Potorindogon-Nea in intau inta noikuyung.

MAZMUR 147:12

Dayowdon in ki Tuhan, ei Yerusalem! Dayowdon in ki Allahmu, ei Sion!

MAZMUR 18:36

Tuhan, Iko in noḷukad bo noposaḷamat kon inakó, bo nogopod kon inakó in kawasa-Mu; akuoi in noiḷontú popisí in aid-Mu.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

MAZMUR 37:17

Sin kawasa in intau moraat in putoḷonbí i Tuhan, táe intau mopia in ḷukadan-Neabí.

MAZMUR 37:24

Aka moḷabú in sia, yo diábí in sia kekeban modaḷom, sin kinadaianbí i Tuhan in sia kon ḻimanea.

MAZMUR 41:12

Aka akuoi diá taḷowon in musungku, yo kotaauankudon kon Iko in moibog kon inakó.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 63:8

sin Ikobí inta ain notuḷung kon inakó; kon bonu in siungan koḻikip-Mu akuoi in modondong pia in gina.

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 37:6

ki Yesaya nopotabá kon totabá mita tatua mopotaau in tubag tanaa, “Ki Tuhan in noguman, ki tuang datu in dikabí moondok in mokodongog kon ata mita in datu in Asyur tatua kon ki Tuhan in diábí mokopoḷuat kon i naton.

YESAYA 43:5

Dika moondok, sin Akuoi in moḷukad kon inimu. Nongkon toyopan bo nongkon dotá in pomukaan pinotabá-Ku in ki adí bo ki ompumu mamangoi moyosipun.

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 49:8

Ki Tuhan in noguman kon umat-Nea, “Kon tungkuḷ in Akuoi in moibog, Akuoi in motubagbí; kon singgai Akuoi moposaḷamat, Akuoi motuḷung kon i monimu. Moiko in oḻiungan-Ku bo ḷukadan-Ku, bo baḻíon-Ku dodandian kon bangusa mita. Tompiaan-Ku bui in butá inta noingongowdon mobaḻí butá tonsilai inta pogutunan.

YESAYA 50:9

Totuu, ki Tuhan Inta Totok in moḷantud in moduḷu kon inakó, ki ine in mokobaḻí moguman kon akuoi in kotaḷá? Komintan intau inta moponapud kon inakó in moyopúbí naonda bo yumbit in ketek kinaan in anoi.

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

DANIEL 6:16

Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

HOSEA 1:9

Ki Tuhan in noguman kon inakó, “Tangoiai in adímu tatua ‘Deeman Umat-Ku’, sin intau in Israel in deeman umat-Ku, bo Akuoi in deemanbí ki Allah monia.”

HAGAI 1:13

Bo ki Hagai in nopotaau kon rayat in koyow i Tuhan kon ki Tuhan in nodandidon kon moḷukad kon i monia.

HAGAI 2:5

Kon dodai in moiko iḻumuai nongkon Mesir, Akuoi in nodandidon kon umuranbí moḷukad kon i monimu. Bo dapot in tanaapa Akuoi in umuranpabí doman moḷukad mako kon i monimu. Dá, dikadon moondok.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”