YESAYA 40:3 - Alkitab Singog In Mongondow Masa In Tanaa

³ Oyúon in singog in nopobaḷú, “Sadiadon in daḷan kon padang gurun kon i Tuhan. Tuḻidon in daḷan kon rawang kayuon kon i Allah naton!

YESAYA 40:3 ပူးပေါင်းရင်းမြစ်များ

MAZMUR 68:4

Táe intau motoḷutui in mopia takin moḷunganga in gina, mosia in moronggiow pia in gina kon tayowon i Allah.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 40:4

Bayongan in oyuknea musti bumbunan, buḷud bo tombuḷudnea in tondodaion. Butá inta notombuḷud in motonḷopá, bo inta nongotangkaḻembong in ḷamagon.

YESAYA 43:19

Taridiaika, Akuoi in nogaidon kon inta mobagu; tanaa in momangkoidon, diá degá inontongmu? Akuoi in momiabí kon daḷan kon padang gurun, bo ongkag mita kon rawang kayuon.

YESAYA 49:11

Akuoi in momiabí kon daḷan mongin buḷud, bayongan in daḷan moḷoben-Ku in tondodaion-Kubí.

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

YOHANES 1:23

Ki Yohanes in notubag: “Akuoibí naa inta imakusud in singog i Nabi Yesaya nanaa: ‘Intau inta nobaḷú kon padang gurun: Tondodaidon daḷan kon i Tuhan.’ ”