YESAYA 40:2 - Alkitab Singog In Mongondow Masa In Tanaa

² Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 40:2 ပူးပေါင်းရင်းမြစ်များ

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

MAZMUR 32:1

Mazmur i Daud. Dondong totundú. Pia in kamang in intau inta dosanea in pinopatan, bo taḷánea in inampungan.

MAZMUR 85:3

Inampungan-Mudon in dosa mita in umat-Mu; imaapan-Mudon in bayongan in taḷánea.

MOHOHUTUBA 3:4

Ki Allah in nonantú kon wakutu mongombaḷ bo wakutu kumosing, wakutu mogamui bo wakutu motayok,

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 14:3

Ki Tuhan in mopoḷuatbí kon intau in Israel nongkon takit bo roriganea, bo nongkon oaidan mobogat inta pinakisa pinoki aid kon inia.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 33:24

Diábí tobatúmai in intau kon butá naton in mogamui popisí in motakit, bo bayongan in dosa in ampunganbí.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 49:25

Ki Tuhan in notubag, “Tuata in mobaḻí. Intau mita inta dinakop in pahlawan mita in agowonbí bui. Inta inagow in intau moraat in agowonbí bui. Sin Akuoibí tontaní in monayow kon musungmu; Akuoi in moposaḷamatbí kon i adímu mita.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YESAYA 54:15

Aka moiko tubuon, deemanbí Akuoi in nopotabá, ki inekabí in monubu kon inimu in moḷabúbí.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YESAYA 6:7

Iḻiainea in bibigku in baga tatua poḷat nosingog, “Baga tanaa ain noḻiai kon bibigmu. Tanaa in taḷámu ain pinopatan bo dosamu in inampungandon i Tuhan.”

YESAYA 61:7

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YEREMIA 29:11

Kinotaauan-Ku bidon in tomayá-Ku mita kon i monimu! Tomayá mita tatua in deemanbí mopobodito kon i monimu, táe kobiaganmubí inta motompia bo mobogoi kon inimu in kobiagan moiduduimai inta nopuḻing in kamang.

YEREMIA 51:10

Umat i Tuhan in noguman, “Pinoontongdon i Tuhan kon kita in kon dotábí in inta nobanar. Igai mayá in kita in Yerusalem bo oumanon kon tua in onu inta ain inaidan i Tuhan Allah naton.”

OMBAḶ 4:22

Sion in notarimadon kon hukumannea popisí in dosa mita inta ain pinomianea; tanaa in kami in diá bidon pomayá mako i Tuhan bo diá bidon diaan pobayá in poḷumbúan. Táe iko, ei Edom, in hukumonbí i Tuhan. Dosamu mita in poontongbí.

YEHEZKIEL 16:42

Baintua bo moinggamádon in rogi-Ku, bo moonowdon bui in Akuoi. Diá bidon in Akuoi tumorú andeka mointoi.

DANIEL 11:35

Tongosilai nongkon itoi mita inta mobijaksana in koḻimodanbí, táe tua in mobaḻíbí totungkuḷ kon umat modapot in mosia mobaḻí modarit. Tua in mobaḻíbí modapot in singgai tumi, singgai inta ain sinantú i Allah.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

DANIEL 12:9

Sia in notubag, “Bayádon in tanaa mako, Daniel, sin tosingogon mita tanaa in mustibí bunion bo diá motaau poguman modapot kon singgai tumi.

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

HOSEA 2:14

Ki Tuhan in noguman, “Tuamai in Akuoi in modiabí kon inia mayá in padang gurun; kon tua sia in dondouḷugan-Kubí pongin tosingogon mita in oibogan.

HOSEA 2:16

Bo tangoionneadon in Akuoi ki buḷoinea, bo deemandon Baalnea.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

ZEPANYA 3:15

Sin ki Tuhan in nogogaidon in mohukum kon i monimu; Sia in nopoguntundon in bayongan musungmu. Moiko in iḷukadan i datu in Israel, ki Tuhanmu tontaní. Tanaa moiko in diá bidon paraḷu moondok bui.

ZAKHARIA 1:13

Ki Tuhan in notubag kon malaekat tatua takin tosingogon mita inta moḻipoi,

ZAKHARIA 1:15

Táe Akuoi in sinumorúdon totok kon bangusa mita inta nokorasa kon moodom bo motompia. Sin kon dodai in pinondam-Ku in torú-Ku kon umat-Ku, yo bangusa mita tatua in nodugang kon roriga in umat-Ku.

ZAKHARIA 9:12

Pobuidon ei intau mita iḷumbú, tanaa in oyúondon in kamang monimu. Pobuidon kon pononiunganmu Akuoi in umuranbí momarakat kon i monimu. Indongogaika: Kodua noguntuḷ in kobayongnea ogoi-Ku in barakat popisí in bayongan roriga inta ain kinorasaan monimu.

OUMAN IN RASUL MITA 1:7

Ki Yesus in notubag, “Diábí paraḷu kotaauanmu in sempo andeka wakutunea, sin tua in ki Amá-Kubí in monantú podudui in kawasa-Nea.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.