YESAYA 4:6 - Alkitab Singog In Mongondow Masa In Tanaa

⁶ Sia in mogoḻingoibí nongkon patú in singgai kon dodai in singgai, bo baḻíon tampat pononiungan kon uyan morogot bo deḷang.

YESAYA 4:6 ပူးပေါင်းရင်းမြစ်များ

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 55:8

Oo ḷumayugbí in akuoi yumayú totok, bo mogutun kon padang gurun.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

YESAYA 14:32

Onu in potubag naton kon totabá mita inta namangoi nongkon bangusa in Pilistin? Kita in mopotaau kon i monia kon ki Tuhan ain noposindog in Sion, bo umat-Nea inta nororiga in ḷukadanbí kon tua.

YESAYA 25:4

Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 32:1

Indoiaidon, moiangoibí in wakutunea datu tobatú momarenta moadil bo itoi mita in bangusa mopobayá in inta moadil.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 8:14

Popisí in Akuoi Totok in motusi, Akuoi in nobaḻí batu kopopintudan kon rayat in Yohuda bo Israel, bo poyogaḷap inta modomok kon intau in Yerusalem.

YEHEZKIEL 11:16

Tuamai, potaaudon in koyow-Ku tanaa kon yobayatmu mita kon pinoḷumbúan, kon Akuoibí in inta nodia kon i monia kinoyayú kon sigad in bangusa mita bo noporarit kon i monia kon butá mita tatua. Tongá kon dodai in mosia kon tuapa, Akuoi in kotaki-takinbí monia.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

WAHYU 7:16

Mosia in diá bidon mokorasa kon gogoyon ande moyogang. Mata in singgai ande patúnea in diá bidon mokopokak kon i monia.