YESAYA 3:9 - Alkitab Singog In Mongondow Masa In Tanaa

⁹ Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YESAYA 3:9 ပူးပေါင်းရင်းမြစ်များ

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 19:34

Nopoikoḷomai kon singgai, ki adínea guya-guyang noguman kon i ai-ainea, “Kogobíi akuoi ain nosiug takin i amá! Bain doḷom bo poinumon bui naton in ki amá dapot in moḷoḷangu bui. Bodongka iko mosiug takinnea. Bá kitada in tumpaḷadon mokouḻí kon adí.”

KINOBAḺIAN 4:5

táe ki Kain takin sosumbanea diá sinarima-Nea. Ki Kain sinumorú totok bo totokdon in rumongut.

DATU MITA 2 9:30

Noiyaputdon in ki Yehu kon Yizreel. Naonda in kinodongogan i Izebel onu inta ain nobaḻí, nonoguḷanoi in sia kon buoknea bo nomaké in cilá, bo iḷumongow monag nongkon jandela in komaḻig.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

AMSAL 15:32

Intau inta doí tongginaan, diábí mohoromat kon awaknea tontaní; intau inta moibog toboḷowon, mobaḻí mopia.

AMSAL 30:13

Oyúon in intau in dumuí kon mopia totok in sia – nádomai tua in kopopianea!

AMSAL 8:36

Ki ine in diá mokouḻí kon inakó, moporugimai kon inia tontaní; intau inta doí kon inakó, moibog in popatoi.”

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 3:16

Ki Tuhan in noguman, “Moḷoḷatú totok in bobay mita in Yerusalem! Mosoing in mosia, moibog monilok bo mododia in bobayá monia. Ḷampangnea in ai-aidan, bo toninsing in singog in galang mita in sioḷnea.

YESAYA 57:20

Táe intau moraat in naonda bo dagat inta nobokoḷ bo diá kon dodai in onda in moḷene. Toḷognea in modia kon ḷonggai bo yoná.

YESAYA 59:12

Totuu mobayong in aid moraat nami kon ini-Mu; dosa mita nami mopotaḷá kon inami. Kami in totu-totuudon nonotaau kon aid nami moraat; bo nonotaau kon dosa mita nami.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 16:30

Ki Tuhan Inta Totok in moḷantud noguman, “Tua mita inaidanmudon naonda bo sundaḷ inta diá kotoguoyá.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 23:16

Naonda in inontong i Oholiba in gambar mita tatua, ibognea mosiug takin ḷoḷaki noiaputdon bo pinoki oinínea in itoi mita in tontara in Babel tatua.

DANIEL 7:20

Ibogonku in kotaauanku doman in soaḷ tungoi mopuḷú kon uḷunea bo soaḷ tungoi nointok inta nomuká noiduduimai bodongka norabut kon tungoi toḷu inta nobiag muna tua. Tungoi nointok tatua in komata bo bibignea in mongonguman kon ambungangaḷ takin iḷumoḷatú. Sia in mokokoningkim totok noiḻiu kon tungoi mita ibanea tatua.

HOSEA 13:9

Akuoi in morimumudbí kon i monimu, ei bangusa in Israel! Bo ki ine in mokotuḷung kon inimu?

HOSEA 5:5

Koḷoḷoḷatú in bangusa in Israel koontongandon totok, bo noponiata kon taḷá monia. Dosa monia in nokopopisí kon i monia noipintud bo noidodot, bo bangusa in Yohuda noḷabú takin monia.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.

SAMUEL 1 15:32

Onda intua ki Samuel nomarenta, “Diadon mangoi in ki Datu Agag kon naa,” Ki Agag namangoi kon inia takin pia in ginanea sin iraineamai, “Bodito in popatoi noitaḻibdon.”