YESAYA 26:3 - Alkitab Singog In Mongondow Masa In Tanaa

³ Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

YESAYA 26:3 ပူးပေါင်းရင်းမြစ်များ

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 13:18

Intau in Yohuda nountung, sin mosia in nopongata kon i Tuhan, Allah in mogoguyang monia.

TAWARIKH 2 16:8

Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

MAZMUR 119:165

Intau inta moibog in hukum-Mu in moaman bo moodom, diábí in mokoḷamboi kon i monia.

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 26:12

Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

YESAYA 42:19

Ki ine degá in mobilo-bilog nongkon Israel mogogundoi-Ku? Ki ine degá in mobongom-bongoḷ nongkon totabá-Ku?

YESAYA 42:6

“Akuoi, ki Tuhan, in mogoiní bo mopotabá kon inimu sin mopobayá in inta moadil iko in kapiton-Ku bo ḷukadan-Ku sin mobaḻí dodandian kon umat intau, bo sindar kon bayongan in bangusa.

YESAYA 48:2

Umpaka natua, iko in mongaku doman takin pia in gina kon iko in intau in kotá motusi; bo iko in inumandoḷ kon i Allah in Israel inta sinangoi ki Tuhan inta Totok in mokawasa.

YESAYA 49:8

Ki Tuhan in noguman kon umat-Nea, “Kon tungkuḷ in Akuoi in moibog, Akuoi in motubagbí; kon singgai Akuoi moposaḷamat, Akuoi motuḷung kon i monimu. Moiko in oḻiungan-Ku bo ḷukadan-Ku, bo baḻíon-Ku dodandian kon bangusa mita. Tompiaan-Ku bui in butá inta noingongowdon mobaḻí butá tonsilai inta pogutunan.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 66:12

Sin ki Tuhan in noguman, “Moiko in ogoian-Ku in kobiagan motompia naonda bo ongkag inta moiḻig kaoyúonan in bangusa mita in diaan poangoi kon inimu naonda bo ongkag inta moiḻebe-ḻebet. Moiko in naonda bo adí inta pinoteté bo kokoyo-koyot i inánea, bo iyapumai kon tompunukaneamai.

YEREMIA 39:18

Iko in diábí ḻimodon, sin Akuoi in moposaḷamatbí kon inimu. Nyawamu in mosaḷamatbí sin iko in inumandoḷ kon i-Nakó. Akuoi ki Tuhan, ain nosingog.”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

DANIEL 6:23

Ki Allah in bobantung ain nopotabá in malaekatnea sin momompon kon bibig in singa mita tatua dá diábí in mosia nopoyagi-yagimai kon bobantung naa. Ki Allah in noposaḷamat kon bobantung sin kinotaauan-Nea kon bobantung naa in diábí nogaid kon noitaḷá kon i-Nia bo kon i Tuangku.”

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

PILIPI 4:7

Dá kobiagan motompia nongkon i Allah inta diá kodapotan in raian intau, in moḷukad kon gina bo raianmu inta ain notobatú i Kristus Yesus.