YESAYA 2:3 - Alkitab Singog In Mongondow Masa In Tanaa

³ mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

YESAYA 2:3 ပူးပေါင်းရင်းမြစ်များ

ESTER 9:27

nokopopisídon kon mosia in nogaid kon atorang tobatú kon i monia tontaní, kon buí monia bo kon bayongan in intau inta dumugang agat in intau in Yahudi. Podudui in atorang tatua pomuḷoi in taong mosia in mustibí momia kon rame in doyowa nosinggai inta ain sinantú i Mordekhai.

MAZMUR 102:23

kon dodai in bangusa mita bo dodatuan mita noyosipun sin mosumba kon i Tuhan.

MAZMUR 110:2

Nongkon Sion ki Tuhan in mopooḷadbí in dodatuanmu; kawasaaidon in musungmu mita!

MAZMUR 119:171

Akuoi in moibog umuran modayow kon ini-Mu, sin Iko in notundú kon atorang-mu.

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 48:1

Mazmur in inanakan i Korah.

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 19:23

Kon tungkuḷ intua oyúondon in daḷan moḷoben kon sigad in Mesir bo Asyur. Intau mita nongkon ḻipú doyowa tatua in mayá bo mobuibí mongin daḷan tatua bo mosia in moibada moyotakin.

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

YESAYA 44:5

Mopobatu-batúandon inta mongaku kon Akuoi in kitogi kon inia, bo mamangoi dumugang kon buí i Yakub. Mopobatu-batu in momais kon ḻimanea: Kapunyaan i Tuhan, bo tumangoi noituot kon umat i Allah.”

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

YESAYA 60:3

Bangusa mita in moyo-moyodudui in mamangoi kon bayagmu, datu mita in moibog kon sindar inta nomuká kon inimu.

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YESAYA 66:20

Nongkon butá mita tatua mosia in modia bui kon i utatmu mita tongobangusa monag mobaḻí tombuinag kon i-Nakó. Mosia in modiabí kon intau mita tatua mayá in tombuḷud inta motusi kon Yerusalem takin tumakoi kon kabaḷo, keledai bo unta, bo takin kereta bo roda, ná biasamai intau in Israel modia mopobayá kon Baḷoi Tuhan sosumba gandum kon bonu in tampat inta modarit.

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 31:6

Totuu, moiangoibí in wakutunea in moḷoḷukad mita kon kotá in momaḷú kon buḷud in Epraim, ‘Koḻigai in kita motakod kon Sion, kon i Tuhan Allah naton.’ ”

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

YOHANES 4:22

Moiko intau in Samaria mosumba kon i inta diá kinotaauan monimu, táe aka kami intau in Yahudi nosumba kon i-Nia inta kinotaauan nami, sin kasaḷamatan in namangoi nongkon intau in Yahudi.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 10:33

Tuamai baḷuku pinotabá in intau mayá mogoiní kon i Tuang. Bo namangoi domandon in ki Tuang takin pia in gina. Bo tanaa kami in noyosipundon kon tayowon i Allah sin mokidongog kon bayongan inta pinoki potaau i Allah kon i Tuang poguman kon inami.”

SURAT I PAULUS KON JAMAAT RUM 10:18

Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”

ULANGAN 33:19

Mosia in nogoiní kon bangusa mita minayá in buḷud monia bo moposumba in kuruban inta mobanar kon tua. Mosia in mokouḻí kon kaoyúonan nongkon dagat, bo nongkon bungaion kinoouputbí in pintad.”

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

YAKOBUS 1:25

Hukum i Allah tua in nosompurna bo moḷoben in kawasa-Nea moposaḷamat kon intau. Táe intau inta momirikisa bo monarukira kinopira poḷat nopoaid doman, deeman tongá inindongogan mako bo ḻiongon, yo intau natua in barakatanbí i Allah in bayongan oaidannea.