YESAYA 2:2 - Alkitab Singog In Mongondow Masa In Tanaa

² Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YESAYA 2:2 ပူးပေါင်းရင်းမြစ်များ

KINOBAḺIAN 49:1

Noiduduimai kon tua ki Yakub nogoiní kon i adínea mita bo noguman, “Poyosipundon kon naa, kon diugku. Potaaukudon kon i monimu onu in kobayáan monimu kon singgai moiduduimai:

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

MAZMUR 102:23

kon dodai in bangusa mita bo dodatuan mita noyosipun sin mosumba kon i Tuhan.

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

MAZMUR 22:28

Bayongan in bangusa in mokotoropbí kon i Tuhan bo mobuibí mangoi kon i-Nia, bayongan in suku bangusa in tumonsiupbí mosumba kon i-Nia.

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MAZMUR 72:8

Dodatuannea in modugang nongkon dagat mopobayá in dagat, moibandang nongkon pomukaan dapot in toyopan.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 87:1

Mazmur in inanakan i Korah, dondong tobatú. Ki Tuhan in noposindog in kotá-Nea kon tudu in tombuḷud inta motusi.

MAZMUR 87:2

Nongkon bayongan in kotá kon Israel, Yerusalembí inta totok in kinotabi-Nea.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

YESAYA 60:3

Bangusa mita in moyo-moyodudui in mamangoi kon bayagmu, datu mita in moibog kon sindar inta nomuká kon inimu.

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YESAYA 66:20

Nongkon butá mita tatua mosia in modia bui kon i utatmu mita tongobangusa monag mobaḻí tombuinag kon i-Nakó. Mosia in modiabí kon intau mita tatua mayá in tombuḷud inta motusi kon Yerusalem takin tumakoi kon kabaḷo, keledai bo unta, bo takin kereta bo roda, ná biasamai intau in Israel modia mopobayá kon Baḷoi Tuhan sosumba gandum kon bonu in tampat inta modarit.

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 3:17

Kon dodai intua kotá in Yerusalem in tangoiondon ḷoḻitúan ‘Pomomarentaan i Tuhan’, bo bayongan in bangusa in mosipun kon kotá tatua sin mosumba kon i-Nakó. Mosia in diá bidon dumudui kon ibog in gina monia inta pamandot bo moraat tua.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 48:47

Táe kon singgai moiduduimai pobuíon-Kubí in kaadaan in butá in Moab. Akuoi, ki Tuhan, ain nosingog!” Tuata in aidan i Tuhan kon Moab.

YEREMIA 49:39

Táe kon singgai moiduduimai, kaadaan in Elam in tompiaan-Kubí bui. Akuoi, ki Tuhan, ain nosingog.”

YEREMIA 51:44

Bel, dewa in butá in Babel, in hukumon-Kubí. Baḻíon-Ku in sia mopobui kon onu inta ain inagownea. Bangusa mita in diá bidon mosumba kon inia. Dinding mita in Babel in norumbundon.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 40:2

Kon oontongon tobatú, ki Allah in nodia kon inakó minayá in butá in Israel pinobayá in buḷud inta totok in moḷantud. Kon tayowonku inontongku in totampat in bangunan inta ná batangan in kotá tobatú.

DANIEL 10:14

Akuoi in namangoi sin mopobaḻí kon inimu momangaḻe kon onu inta mobaḻí kon singgai moiduduimai kon bangusamu. Oontongon tanaa in soaḷbí singgai moiduduimai.”

DANIEL 2:28

Táe kon soroga oyúon in ki Allah inta nomukat kon bayongan inta noibuni, bo sia in nopotaaudon kon i Tuangku onu inta mobaḻí kon singgai moiduduimai. Tanaa, ogoipa kaasí in bobantung tanaa in moginsilang kon togoindop bo oontongon inta sinarima kon tungkuḷ nosiug tua.

DANIEL 2:35

Kon dodai doman intua patong tatua in noumpag bo nobaḻí bonturungan in uatoi, butá in ḷamentong, bitú, saḷaka, bo buḷawan inta ain norimumud noyobauk naonda bo ḷobud kon tampat poḷoḻintogan kon gandum kon sempo in poninggai. Bonturungan tatua nongoiḷayug in inirup in tompot, dá diádon nonaḷámai kon paḷot topiḻikmai. Táe batu inta nogumpag kon batu tatua nobaḻí ná koḷoben in buḷud bo nomuḻing kon sinangkub in butá.

DANIEL 2:45

Ki Tuangku in nokoontongdon tontaní kon diábí iḻiai in intau in batu tobatú bo noḷabú nongkon irib bo noigonag bo nomutuk kon patong nongkon uatoi, bitú, butá ḷamentong, saḷaka bo buḷawan tatua? Ki Allah inta moḷoben in noponiata kon i Tuangku onu inta mobaḻí kon singgai moiduduimai. Togoindop tatua in motaaubí pirisayaan bo onu in ininsilangan in bobantung naa in totuubí.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

ZAKHARIA 14:10

Sinangkub in butá nongkon Geba kon utuan modapot in Rimon kon toḷatan, in mobaḻí butá motondodai. Táe Yerusalem in moisindogdon moḷantud totok, moḷantu-ḷantud nongkon butá mita inta kon diugneamai; kotá tatua in moibendar nongkon Bonawang in Benyamin modapot in Bonawang Sikunea, tuata in bonawang Dungkuḷ bo nongkon Ḷangkeang in Hananeel modapot kon pomomugutan kon anggur kapunyaan i datu.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

ZAKHARIA 8:22

Bo mobayong in intau bo bangusa inta moropot in mamangoi in Yerusalem sin mosumba kon i-Nakó ki Tuhan Inta Totok in mokawasa bo mopoigum in barakat-Ku.

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

MALEAKHI 3:12

Dá moiko in tangoion bidon in bayongan intau moḷunganga, sin butámu mobaḻí tampat inta totok in mopia pogutunan.”

PINOGIAPAN 24:14

Guman i Bileam kon i Balak, “Naa in akuoi mobuidon kon bangusaku. Táe kon dodai in akuoi diápa mayá, potaaukupa muna kon i Tuangku onu in aidan in bangusa Israel kon bangusa i Tuangku kon singgai moiduduimai.”

OUMAN IN RASUL MITA 2:17

‘Kon singgai tumi, Akuoi in mobogoi in Roho-Ku kon bayongan in intau. Ki adímu mita ḷoḷaki bo ki adímu mita bobay in mopotaaubí kon i monimu in soaḷ mita inta pinotaau-Ku kon i monia. Intaumu mita inta nongobagupa in mokoontong kon soaḷ mita inta poontong-Ku kon i monia. Guyangamu mita in tumogoindopbí kon togoindop inta ogoi-Ku kon i monia.

TIMOTIUS 2 3:1

Toropdon in naa: Kon singgai tumi mobayong in roriga in korasaan.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.