YESAYA 2:12 - Alkitab Singog In Mongondow Masa In Tanaa

¹² Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 2:12 ပူးပေါင်းရင်းမြစ်များ

SAMUEL 2 22:28

Intau inta moompá in dodia posaḷamaton-Mu; táe intau inta mokaḷakuang potungkudon-Mu.

AYUB 24:1

Nongonu sin ki Allah in diábí nonantú kon singgai pohakiman, sinbá intau mita inta nonotaau kon i-Nia in mokouḻí kon koadilan?

MAZMUR 131:1

Dondong i Daud mayá in Baḷoi Tuhan. Tuhan, akuoi in diábí mododia, bo diábí moḷoḷatú. Akuoi in diábí mogaḷow kon inta moiḻiu in ḷoben andeka inta moiḻiu in roriga batukonku.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 37:13

Táe kosinganbí i Tuhan in intau moraat, sin kinotaauan-Neabí in imbuit in kobiagan in intau tatua in nodiugdon.

MAZMUR 94:2

Sindogdon, o Hakim in sinangkub in dunia, hukumdon in intau mododia podudui in aid monia.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 10:33

Ki Tuhan Inta Totok in mokawasa in mogumpagbí kon i monia naonda bo tanga inta pinongkó nongkon pangkoinea. Inta totok in mobambar bo inta moḷantud kon sigadnea in pupuḷonbí bo umpagon.

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 13:9

Singgai i Tuhan in moiangoibí, bo kon singgai tatua ki Tuhan in mopoaid in torú-Nea bo rogi-Nea inta motoyang. Butá in mobaḻí butá inta moḷogat, bo bayongan in intau baradosa in moyopú.

YESAYA 14:15

Bokaka iko in pinorobu kon tampat inta totok in moonag kon dunia in intau minatoi.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 24:21

Kon dodai intua ki Tuhan in mohukumbí kon mongongawasa mita in ḷangit bo datu mita kon dunia.

YESAYA 24:4

Butá mobaḻí moingkag bo moḷaḷow, sinangkub in dunia morobonoḷ in gina. Ḷangit bo butá tumpaḷa morobonoḷ.

YESAYA 40:23

Binaḻí-Nea in mongongawasa mita diá kodaya, bo intau mita moḷoben kinobuḻian in kawasanea.

YESAYA 42:15

Buḷud bo tombuḷudnea in baḻíon-Ku moḷogat, bayongan in pinomuḷanea iḷaḷowan-Ku. Ḷopá mita in ongkag binaḷuian-Ku nobaḻí padang gurun, Bayongan in danow iningkagan-Ku.

YESAYA 5:15

Batúan in intau in pokopooyáanbímai, bo inta moḷoḷatú in poompáan.

YESAYA 61:2

Sia in nopotabá kon inakó sin mopohabar kon naadon in wakutunea ki Tuhan moposaḷamat; sin moḻipoi kon bayongan inta kinopatoian, bo motuḻí kon musung mita monia;

YEREMIA 12:9

Mosia in naonda bo ḷagapan inta sinampí in boniá nongkon bayongan tampat. Oinídon in bayongan in mahaḷuk in kayuon dumugang mogindait kon i monia.

YEREMIA 13:9

“Natuata in pogogaid-Ku kon intau in Yohuda bo intau in Yerusalem. Akuoi in morimumud kon koḷoḷatú monia inta moiḻiudon totok tua.

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEREMIA 50:31

Babel, iko in moiḻiudon ḷantud in gina! Tuamai in Akuoi, ki Tuhan, Inta Totok in moḷantud, Allah Inta totok in mokawasa, moḷawang kon inimu. Wakutuneadon iko hukumon-Ku.

YEHEZKIEL 13:5

Mosia in diábí noḷukad kon tampat mita inta dinding mita in kotá ain noumpag, bo diá doman nonompia kon dinding mita tatua. Dá, Israel in diá bidon motaau tahangon aka mobaḻí in parang kon singgai Akuoi, ki Tuhan mamangoi mohukum.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

AMOS 5:18

Totuu kon moboditobí in moiko inta mokotanob kon singgai i Tuhan! Onubí in mangaḻenea in singgai tatua kon inimu? Singgai tatua in tongábí nobaḻí singgai inta mosindip, deemanbí singgai inta mobayag kon inimu.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

MIKHA 5:11

Ajimatmu mita inggamáan-Kudon bo bayongan in mononoḻindapmu posíon-Ku.

ZEPANYA 1:16

Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 23:12

Bo ki ine in mosiḷantud, yo sia in poompáan bo ki ine moompá in dodia yo sia tua in poḷantudon.”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

KORINTUS 1 5:5

intau tatua in musti posarakan monimu kon Ibilis sinbá moyoyang in awaknea táe rohonea in posaḷamaton kon wakutu in koangoian i Tuhan bui.

TESALONIKA 1 5:2

Sin kinotaauan bidon monimu kon singgai koangoian bui i Tuhan naonda bo singgai koangoian in mononakow kon wakutu in doḷom.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”