YESAYA 17:3 - Alkitab Singog In Mongondow Masa In Tanaa

³ Israel in kobuḻiandon in moḷoḷukadnea bo Damsyik kobuḻian in kinomerdekaannea. Intau in Siria inta ki agatnea in mobiag kon bonu in kaadaan mokooyá naonda bo intau in Israel. Akuoi, ki Tuhan Inta Totok in mokawasa, ain noguman.”

YESAYA 17:3 ပူးပေါင်းရင်းမြစ်များ

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

YESAYA 10:9

Inagowku in kotá mita in Kalno bo Karkemis, Hamat bo Arpad. Inagowku doman in kotá mita in Samaria bo Damsyik.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 17:4

Ki Tuhan in noguman, “Moiangoibí in wakutunea koḷantudan in Israel in mopaḷut, bo kobiagannea motompia in moinggamá.

YESAYA 25:2

Kotá tatua ain irimumud-Mu; kotá inta dininding tua dongkadon rumbunnea. Komaḻig inta pinosindog in intau ango-angoi ain noyompat, bo diá bidon pinosindog bui dapot in mononoi.

YESAYA 7:16

Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

YESAYA 7:8

sin Siria in diábí moropo-ropot nongkon Damsyik iná in kotánea, bo Damsyik in diábí moropo-ropot nongkon i Datu Rezin. Umpaka kon bonu in onom nopuḷú bo ḻima notaong, Israel in mosila-silaibí modapot in diádon monahang saḷaku bangusa.

YESAYA 8:4

Sin kon dodai in adí tatua diápa motaau moguman ‘Amá’ bo ‘Iná’, bayongan in kaoyúonan in Damsyik bo bayongan in pakakat inta inagow in Samaria in akutondon pobayá kon i datu in Asyur.”

HOSEA 1:4

ki Tuhan in noguman kon inakó, “Tangoiai in ki adímu tatua ki Yizréel sin diádon moonggot bo hukumon-Ku in datu in Israel popisí in pinoḻimodan inta inaidan i Yehu, mogoguyangnea, kon Yizréel. Toimpaḷut-Kudon in pomarentaan in buí i Yehu.

HOSEA 1:6

Onda intua ki buḷoiku tatua nopononggadí bui in adí nami nogindua, adí bobay. Ki Tuhan in noguman kon inakó, “Hosea, tangoiai in ki adímu tatua ‘Inta diá Kinotabi’, sin Akuoi in diá bidon motabi bui kon bangusa in Israel, bo totokbí in diá mongampung kon i monia.

HOSEA 10:14

dá rayatmu in dapangon in parang, bo bayongan in dindingmu in rimumudon. Kaadaannea in naonda bo kon singgai ki Datu Salman noyompat kon kotá in Bet-Arbel kon pinoparangan, bo noḻintog kon guyanga mita bobay takin ki adí mita monia.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HOSEA 8:8

Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.

HOSEA 9:11

Tangoi moḷoben in Israel in ḷumayugbí moibuni naonda bo ḷagapan; diá bidon in monogusian, bo diábí in adí mita in pononggadí.

AMOS 8:14

Intau mita inta nongibot pinodoyon kon berhala in Samaria takin moguman, ‘Podoyon kon dewa in bangusa in Dan’, andeka ‘Podoyon kon i Dewa Bersyeba’ – in moḷabúbí bo diádon mobangon bui.”