YESAYA 15:3 - Alkitab Singog In Mongondow Masa In Tanaa

³ Intau mita kon daḷan nogibintoḷ nobaḻí tomponuot nonogumatoi; intau nogamui bo nongombaḷ kon rawang bo kon tudu in atop in baḷoi.

YESAYA 15:3 ပူးပေါင်းရင်းမြစ်များ

SAMUEL 2 3:31

Onda intua ki Daud nomarenta kon i Yoab takin intaunea mita sinbá momisí kon ḷambung monia, bo moḷutud kon ḷambung in pinonogumatoian bo mogamui sin kinopatoian i Abner. Bo kon dodai in nogatod kon mayat, ki Datu Daud in minayá doman kon tumimai in poti in mayat.

DATU MITA 2 6:30

Nokodongogmai kon natua, nomerak in ki datu kon ḷambungnea sin noajar in ginanea. Intau mita inta sinimindog kon diug in dinding tatua nokoontong kon ḷambung dotá in bonunea in sosapibí.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YESAYA 22:4

Dikadon taridianmu in akuoi; pomayádon mako in akuoi mogamui kon intau mita nongkon bangusaku inta ain minatoi. Dika monungkuḷ moḻipoi kon inakó.

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

ULANGAN 22:8

Aka moiko moposindog in baḷoi, yo musti tondokon monimu in ḻibunea potombutung kon kokiap in atopnea. Dá deemanbí tanggung jawabmu aka oyúon in intau in moḷabú nongkon atop tatua bo matoi.

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!

SAMUEL 1 5:12

Intau mita inta diá minatoi, kinotugatan in bobentuḷ mita tatua, dá intau mita kon kotá tatua nomaḷú kon dewa mita monia, mokituḷung.