YESAYA 13:4 - Alkitab Singog In Mongondow Masa In Tanaa

⁴ Indongogaika in dowawá kon buḷud, ná singog in pinosipunan in intau inta totok in mobarong. Indongogaika in dowawá in dodatuan mita bo bangusa mita inta noyosipun. Ki Tuhan Inta Totok in mokawasa in nonaridi kon tontara mita in parang.

YESAYA 13:4 ပူးပေါင်းရင်းမြစ်များ

YESAYA 17:12

Bangusa mita inta moropot koyogotdon modowawá; singog in gotup naonda bo boḷontung in bokoḷ kon dagat inta motoyang.

YESAYA 48:14

Poyosipundon in moiko komintan bo indongogaidon! Kon sigad in dewa mita diábí in nonoḻindap kon intau inta piniḻí-Ku in monubu kon Babel; Sia in mopobayábí kon onu inta koibog-Ku.

YESAYA 5:26

Ki Tuhan in mogoiníbí kon bangusa inta moyayú bo mosia in ḻimikatbí in mamangoi!

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YEREMIA 21:4

nopotaau kon i Zedekia kon ki Tuhan, Allah in Israel, noguman nanaa, “Zedekia, Akuoi in monaḷowbí kon tontaramu inta tanaa koyogot in noparang nonayow kon i datu in Babel takin tontaranea. Pakakat mita in parang in tontaramu in sipunon-Ku kon yua-yuak in kotá.

YEREMIA 25:14

Aid mita in intau in Babel in tuḻían-Kubí; mosia in tonggataanbí in datu mita moḷoben bo in bangusa mobayong.’ ”

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”