YESAYA 11:3 - Alkitab Singog In Mongondow Masa In Tanaa

³ Koibognea in motoindudui kon i Tuhan. Sia in diábí monisig tongá indoian mako natua andeka podoyon kon singog in intau.

YESAYA 11:3 ပူးပေါင်းရင်းမြစ်များ

SAMUEL 2 14:17

Noyakinbí in akuoi kon dandi i Tuangku tatua in mokojaminbí kon kasaḷamatanku sin ki Tuangku naa in naonda bo malaekat i Allah, inta motaau mopoyoposi kon onu inta mopia bo onu inta moraat. Igumon mako ki Tuhan Allah i Tuangku koyota-yotakin i Tuangku!”

SAMUEL 2 14:8

“Pobuidon,” tubag i datu, “bain tompiaanku in pelekara tatua.”

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

AYUB 12:11

Naonda bo diláku moibog monanam kon kaanon inta mopia, natua doman in bongoḷanku moibog mokidongog kon tosingogon.

AYUB 34:3

Kotaauan in intau kon kaanon tua in mopia naonda in konanamannea, bo tosingogon moarip aka indongogannea.

AMSAL 2:5

Pongin natua dá kotaauanmudon onu in mangaḻe in motoguondok kon Tuhan bo kotaauanmudon totok in ki Allah.

AMSAL 2:9

Aka iko bo motoindudui kon inakó, adíku, yo kotaauanmubí onu in moadil, mojujur bo mopia. Kotaauanmu doman naonda in kobobiagmu.

YESAYA 33:6

bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YEHEZKIEL 45:8

Butá tatua in nobaḻí kapunyaan in mongongawasa inta nomarenta kon butá in Israel, sinbá diádon in sia mondorot bui kon umat-Ku, táe mobogoidon in butá inta noiḻiu tua mobaḻí kapunyaan in suku mita in Israel.

MIKHA 4:3

Ki Tuhan in monantúdon kon pelekara kon sigad in bangusa mita, kon sigad in negara mita inta moropot, inta moyayú andeka modiug. Mosia in monontaḷ bidon kon kedang mita monia baḻíon pajeko bo pandong mita monia baḻíon tosilad pororatab. Bangusa mita in diá bidon mositubuan, diábí domandon mosadia moparang.

LUKAS 2:52

Kodugang-kodugangdon in koḷoben bo kopandoi i Yesus, bo Sia in umuran kinotabi i Allah bo kinoibog in bayongan intau.

YOHANES 2:25

Tuamai diá bidon paraḷu mokodongog kon tosingogon in intau ibanea, sin kinotaauan-Nea onu in kon bonu in gina intau.

YOHANES 7:24

Dikabí mohakim kon intau tongá podoyon kon onu inta koontongan, táe podoyonbí kon inta moadil.”

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”