YESAYA 10:11 - Alkitab Singog In Mongondow Masa In Tanaa

¹¹ Samaria bo bayongan in berhalanea ain iyopúku. Natua doman in aidankubí kon Yerusalem takin komintan berhala inta sinumba kon tua.”

YESAYA 10:11 ပူးပေါင်းရင်းမြစ်များ

DATU MITA 2 18:33

Nokoimontandon degá in dewa in bangusa ibanea in nokosaḷamat kon butánea nongkon kawasaku?

TAWARIKH 2 12:4

Sia in nogagow kon kotá mita inta oyúon in dinding kon Yohuda bo minayá nodapot in Yerusalem.

YESAYA 2:8

Kon bayongan tampat oyúon in berhala, bo mosia in mosumba kon patong mita inta pinomia monia tontaní.

YESAYA 26:13

Kami in nokoimontandon in kinawasa in tuang mita ibanea, táe tongábí Iko in ináku nami, o Tuhan Allah nami!

YESAYA 36:18

Dika indongogan in ki Hizkia! Sia in tongábí monguboḷ kon i monimu takin moguman kon ki Tuhan in moposaḷamatbí kon i monimu. Degá nokoimontandon in dewa in bangusa ibanea in nokoposaḷamat kon ḻipúnea nongkon kawasaku?

YESAYA 37:19

Dewa mita monia doman in sinurub bo irimumud sin dewa mita tatua in beresibí diá kokawasa. Mosia in tongábí patong pinomia nongkon kayu bo batu pinomia in intau.

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.