YESAYA 1:9 - Alkitab Singog In Mongondow Masa In Tanaa

⁹ Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 1:9 ပူးပေါင်းရင်းမြစ်များ

KINOBAḺIAN 18:26

Ki Tuhan in noguman, “Aka kuma bo kouḻían-Kupa kon ḻima nopuḷú in intau inta diá kotaḷá kon Sodom, yo ampungan-Kubí komintan in kotá tatua sin popisí in mosia tua.”

KINOBAḺIAN 18:32

Pangabisannea ki Abraham in noguman, “Donaaidon tumorú, Tuhan, dongkadon komintan akuoi in mosingog. Yo naonda aka dongkadon mopuḷú in intau?” Ki Tuhan in noguman, “Aka mopuḷúpa doman in intau diá kotaḷá, yo diábí yopúon-Ku in kotá tatua.”

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

YESAYA 1:8

Tongá Yerusalem in sinaḻiban, táe nobaḻídon kotá inta kinokopungan bo diádon kodaya, naonda bo ḷuḷung kon gobá in anggur andeka ḷaig kon gobá in melong.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 17:6

Naonda bo pangkoi in zaitun inta bagu sinipú in bungainea, bo dongkadon tongonumai in kon ḷuntung mita in tanganea, natua doman in Israel tongábí topiḻik in intau in mosaḷamat. Akuoi, ki Tuhan, Allah in Israel, ain noguman.”

YESAYA 24:13

Tuata in mobaḻí kon sinangkub in dunia kon batúan in bangusa. Notongkai ná kon sempo in posipunan kon bungai in boyó, kon dodai in bungai in zaitun ginamá nodapot in nodait bo bungai in anggur inta imbuitnea sinipú nongkon pangkoinea.

YESAYA 24:6

Tuamai in ki Tuhan ain nongutuk kon butá bo nohukum kon intaunea popisí in aid monia. Mosia in pinokak bo tongá topiḻik in nongkon i monia in nosaḷamat.

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YESAYA 46:3

Indongogaidon in Akuoi, ei buí i Yakub, moiko komintan inta tonggagat in umat-Ku. Akuoi in nomiagdon kon i monimu pinangkoipamai kon moiko pinononggadí.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

YESAYA 65:8

Ki Tuhan in moguman, “Bungai in anggur inta oyúonpa in tubignea in diábí ḷumbúon, táe baḻíondon tubig in anggur. Natua doman in bangusa-Ku diábí yopúon-Ku komintan, sin kon sigad monia oyúonpa inta mogundoi kon i-nakó.

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

YEREMIA 50:20

Kon tungkuḷ intua Israel bo Yohuda in modarit bidon nongkon dosa, sin ampungan-Kubí in intau mita inta ain pinosaḷamat-Ku. Akuoi, ki Tuhan, ain nosingog.”

OMBAḶ 3:22

Tabi i Tuhan in umur mononoi, totabi-Nea in diábí modai-dait,

OMBAḶ 4:6

Umatku in ihukumdon noiḻiu in kobogatnea nongkon intau in Sodom inta tongá kon bonu in tokokiap in mata norimumud in kawasa i Allah takin diábí in aid in intau.

YEHEZKIEL 14:22

Aka kuma bo oyúon in mokoḷagui bo moposaḷamat kon i adínea mita, taridiaidon in mosia aka mosia mamangoi kon inimu. Indoiai naonda in moraat monia, dá kotaauandon monimu kon noitugatbí in aid-Ku mohukum kon Yerusalem.

YEHEZKIEL 6:8

Topiḻik nongkon i monia in posaḷamaton-Kubí nongkon ponotadan tatua táe mosia in poraritonbí kon sigad in bangusa mita;

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

MATIUS 7:14

Táe daḷan inta mopobayá in tampat inta mokobiag in nointok bo tongá topiḻik in intau inta mokodapot kon tua.”

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

SURAT I PAULUS KON JAMAAT RUM 9:29

Ki Yesaya in noguman doman nanaa, “Aka kuma bo ki Allah inta Totok in Mokawasa diá nonaḷámai kon i naton in buí, yo notantú bidon kon kita komintan in nobaḻí bidon naonda bo Sodom bo Gomora.”

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

PETRUS 2 2:6

Ná doman kotá in Sodom bo Gomora: nodait i Allah sinubá in kotá mita tatua sinbá mobaḻí contoh kon onu inta mobaḻí kon intau mita inta moraat.

WAHYU 11:8

Bo mayat monia moitongkob mako kon daḷan moḷoben kon kotá moḷoben, kon kotá inta pinopopakúan kon i Tuhan monia. Tangoi in kotá tatua aka secara rohani yo Sodom andeka Mesir.