YESAYA 1:8 - Alkitab Singog In Mongondow Masa In Tanaa

⁸ Tongá Yerusalem in sinaḻiban, táe nobaḻídon kotá inta kinokopungan bo diádon kodaya, naonda bo ḷuḷung kon gobá in anggur andeka ḷaig kon gobá in melong.

YESAYA 1:8 ပူးပေါင်းရင်းမြစ်များ

AYUB 27:18

Baḷoi in intau moraat in moyapak naonda bo baḷom-baḷoi in tontoḷawá, tongábí baḷoi pongongandupan naonda bo ḷuḷung in moḷoḷukad.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:32

Singgai in naa musung kon kotá in Nob, bo kon tua mosia morangkom kon koyungkum potundú kon Buḷud in Sion kon kotá in Yerusalem.

YESAYA 29:3

Ki Allah in monububí kon kotá tatua bo kopungon nongkon bayongan tampat.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YESAYA 49:21

Dá iko in mosingogdon kon bonu in gina, ‘Ki ine in nopononggadí in mongoadí mita tatua kon inakó? Akuoi naa in kinobuḻiandon in adíku mita, bo diádon motaau mononggadí bui? Akuoi in inakut pinobayá in pinoḷumbúan bo pinotondí bo sinaḷáan aku-akuoi mita. Dá nongkon onda in adí mita tatua, bo ki ine in nomiag kon i monia nodapot in noitoidon?’ ”

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

YESAYA 8:8

Mosia in momuntag kon Yohuda naonda bo ḷunud modapot in sigogow bo monaḷom kon bayongan in yagi-yagi.” Ki Allah in kotaki-takin naton! Koḻikip-Nea inta nobuká moḷukad kon butá naton.

YEREMIA 4:17

bo moḻipung kon Yerusalem ná intau inta moḷukad kon gobá. Tua komintan in nobaḻí popisí in bangusa in Yohuda ain nomarontak kon i Tuhan. Ki Tuhan ain nosingog.

YEREMIA 6:2

Kotá in Sion mogaga totok, táe ki Tuhan in morimumud kon inia;

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

OMBAḶ 2:6

Sia in norimumud kon baḷoi-Nea tampat pososipunan in umat-Nea sin mosumba kon i-Nia. Binaḻí-Nea in intau mokoḻiong kon singgai in Sabat bo singgai mita moḷoben ibanea. Popisí in ki Tuhan totok in sinumorú, imang bo datu in kinodoí-Neadon.

ZAKHARIA 2:10

Ki Tuhan in noguman, “Porodondongdon takin pia in gina ei intau in Yerusalem! Akuoi in mogutunbí kon yua-yuakmu!”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

YOHANES 12:15

“Donaai moondok, mongodeaga mita in Sion! Indoiaika Datumu in namangoi, Sia in sinumakoi kon tobatú keledai inta noguodpa!”