YESAYA 1:7 - Alkitab Singog In Mongondow Masa In Tanaa

⁷ Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 1:7 ပူးပေါင်းရင်းမြစ်များ

TAWARIKH 2 28:5

Popisí in ki Datu Ahas binaradosa, dá ki Tuhan Allahnea nopomayádon kon inia sinaḷow i datu in Siria inta nogakut doman kon nobayong totok in intau in Yohuda nobaḻí intau inta dinakop pinobayá in Damsyik. Pinomayá doman mako i Tuhan in sia sinaḷow i Datu Pekah ki adí i Remalya nongkon Israel, inta kon bonu in tosinggai noḻimod kon 120.000 in tontara in Yohuda inta mongobarani. Ki Tuhan, Allah in mogoguyang monia nopomayádon intua komintan nobaḻí, sin rayat in Yohuda diádon nopandungmai kon i Tuhan.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

MAZMUR 107:39

Táe mosia in sinaḷow bo dongkadon topiḻik popisí in roriga bo pinondorotan inta noḻingá.

MAZMUR 109:11

Biódon mako in bayongan in kapunyaannea gamáan in mononagi kon boḻi, bo onu in siniḷopíannea agowon in intau.

YESAYA 1:8

Tongá Yerusalem in sinaḻiban, táe nobaḻídon kotá inta kinokopungan bo diádon kodaya, naonda bo ḷuḷung kon gobá in anggur andeka ḷaig kon gobá in melong.

YESAYA 3:8

Totuu, Yerusalem ain noḷabú! Yohuda ain noumpag! Popisí in bayongan tosingogon bo oaid monia moḷawang kon i Tuhan bo monontot kon kawasa-Nea.

YESAYA 34:9

Ongkag mita in Edom in mobaḷui mobaḻí aspal, bo butánea in mobaḻí balerang. Imbuitnea sinangkub in butá modokot naonda bo aspal.

YESAYA 49:19

Butámu inta noḷogat bo noingongow, tanaa in noiḻiudon sisí kon intau mita inta moibog mogutun kon tua. Bo intau mita inta moibog moyopú kon inimu, ain minayá iyumayú kon inimu.

YESAYA 5:17

Kon kinogoguyaatan in kotá ki adí in bembé bo domba in mokaan kon bonok bo diábí kodaitan in kaanonnea.

YESAYA 5:9

Dinongog-Ku in ki Tuhan Inta Totok in mokawasa in nongibot, “Baḷoi mita inta moḷoben bo inta mongogaga tanaa komintanbí taḷaanmai bo diá utunan.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YESAYA 60:15

Iko in diá bidon taḷaan bo indoíon, bo diábí pomayá mako in mobaḻí moingongow. Iko in baḻíon-Ku mokosanang kon i-Nakó inta mononoi, tampat mokopoḷunganga modapot in kopaḷutannea.

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

YESAYA 64:10

Kotá mita motusi-Mu in nádon onda bo padang gurun, Yerusalem in nobaḻídon butá noingkag inta noingongow.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YESAYA 9:5

Adí tobatú ain pinononggadí kon i naton; kita in pinonotabian in ḷoḷaki tobatú. Sia in mobaḻí itoi naton. Sia in sinangoian: “Monononggina Mobijaksana” “Ki Allah Inta Motorindog”. “Ki Amá Inta Mononoi”. “Datu in Dodamean”.

YEREMIA 2:15

Musungnea in noganggor kon inia naonda bo singa, butánea in binaḻídon noḷogat bo diá in mangaḻenea, kotánea mita in nodait kinaan in tuḷú, pinomayádon mako diá in mogogutun.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

YEREMIA 7:34

Butá tanaa in mobaḻídon rawang inta noḷogat. Tosingogon pia in gina bo tosingogon in rame ponikaan in pogogaion-Kudon kon kotá mita in Yohuda bo kon daḷan mita in Yerusalem.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

YEHEZKIEL 25:4

Tuamai in pomayá-Kudon mako in moiko in taḷowon in suku mita in bangusa nongkon rawang in Pomukaan. Mosia in moposindogbí in ḷoḷaigan mita kon butámu bo mogutun motantú kon tua. Mosia in mokaanbí kon bungai in pinomuḷamu bo monginum kon susu in bobiagonmu.

YEHEZKIEL 30:12

Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

HOSEA 7:9

Mosia in diábí nonotaau kon popisíbí in yopakat takin bangusa mita tatuata, dá noinggamádon in ropot monia. Imbuit in ouman monia in nodiugdon, táe diábí kinotaauan monia.

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

IMAMAT 26:34

Kon tungkuḷ in moiko kon pinoḷumbúanpa kon butá in musungmu mita, butámu inta diá dodai onda noigogai diá pinonompinomuḷaan, moisimayatdon mako bo kasampatanneadon moigogai.

MIKHA 5:11

Ajimatmu mita inggamáan-Kudon bo bayongan in mononoḻindapmu posíon-Ku.

MIKHA 6:13

Tanaa in pangkoion-Kudon sambokon bo rimumudon in moiko popisí in dosamu mita.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

ULANGAN 28:43

Intau ango-angoi inta nogutun kon butámu in modugangdon in kawasa monia, bo kawasamu tontaní in kogaat-kogaatdon.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.