YESAYA 1:1 - Alkitab Singog In Mongondow Masa In Tanaa

¹ Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 1:1 ပူးပေါင်းရင်းမြစ်များ

DATU MITA 2 15:1

Kon taong nogindoyowa nopuḷú bo pitu kon pinomarentaan i Datu Yerobeam II kon Israel, ki Uzia ki adí i Amazia in nobaḻí datu in Yohuda.

DATU MITA 2 15:13

Kon taong intoḷu nopuḷú bo siow kon pinomarentaan i Datu Uzia kon Yohuda, ki Salum ki adí i Yabesh in nobaḻí datu in Israel. Sia in nomarenta kon Samaria tongá tobuḷan

DATU MITA 2 15:32

Kon taong nogindua kon pinomarentaan i Datu Pekah adí i Remalya kon Israel, ki Yotam ki adí i Uzia in nobaḻí datu in Yohuda.

DATU MITA 2 15:7

Ki Uzia in minatoi bo iḷobong kon poḷoḷobongan kon datu mita kon Kotá i Daud. Ki Yotam ki adínea ḷoḷaki in nobaḻí datu nonoḻiu kon inia.

DATU MITA 2 18:1

Kon taong nogintoḷu kon pinomarentaan i Datu Hosea adí i Ela kon Israel, ki Hizkia ki adí i Ahas in nobaḻí datu kon Yohuda.

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

TAWARIKH 2 26:1

Naonda in ki Amazia minatoi, bayongan in rayat Yohuda nomiḻí kon i Uzia ki adínea ḷoḷaki in nobaḻí datu. Kon dodai intua sia in umur mopuḷú bo onom notaong. Ki inánea in ki Yekholya, bobay in Yerusalem. Ki Uzia in nomarenta kon Yerusalem 52 notaong in koonggotnea. Siabí in nogagow bo noposindog bui in kotá in Elot.

TAWARIKH 2 26:22

Ouman ibanea kon pinomarentaan i Datu Uzia, pinaisdon i Nabi Yesaya ki adí i Amos.

TAWARIKH 2 27:1

Ki Yotam in nobaḻí datu kon dodai in umur doyowa nopuḷú bo ḻima notaong, bo sia in nomarenta kon Yerusalem mopuḷú bo onom notaong in koonggotnea. Ki inánea in ki Yerusa ki adí i Zadok.

TAWARIKH 2 28:1

Ki Ahas in nobaḻí datu kon dodai in umur doyowa nopuḷú notaong, bo sia in nomarenta kon Yerusalem mopuḷú bo onom notaong in koonggotnea. Sia in diábí dinumudui kon aid mopia i Datu Daud, mogoguyangnea, táe nogaidbí kon onu inta diá nokosanang kon gina i Tuhan.

TAWARIKH 2 29:33

Nodia doman in mosia kon sapi koḷakian 600 bo domba 3.000 sin posumba bo kaanon moyotakin in bayongan intau inta kon tua.

MAZMUR 89:19

Sin mogogoḻingoi nami in intau inta piniḻí-Mu, o Tuhan; datu nami in ki Allah Mokudus in Israel in kitogi.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 2:1

Naa in koyow i Allah kon Yohuda bo Yerusalem inta sinarima i Yesaya ki adí i Amos:

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 37:2

Onda intua sia in nopotabá kon i Elyakim tongguḷu in komaḻig, kon i Sebna momomais in negara bo imang mita inta moḷantud sin mokipodungkuḷ kon i Nabi Yesaya ki adí i Amos. Mosia in nogibintoḷ doman in daing bintoḷ.

YESAYA 38:1

Kon dodai intua doman ki Hizkia notakit gogió bo minatoi. Ki Nabi Yesaya ki adí i Amos, minayá nokipodungkuḷ kon inia bo noguman, “Ki Tuhan in nongoyow kon ki Tuang datu in moginḷapatdon kon bayongan in oaidan, sin ki Tuang datu in diádon mopia bui. Diádon moonggot in ki Tuang datu bo matoi.”

YESAYA 40:9

Potakodon kon tudu in buḷud inta moḷantud, bo pobaḷúdon in habar mopia kon Yerusalem! Pomaḷúdon koropot, bo pobaḷúdon in habar mopia kon Sion! Pogumandon kon kotá mita in Yohuda kon ki Allah monia in mamangoi!

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

AMOS 1:1

Ki Amos in gombala tobatú in domba nongkon kotá in Tekoa. Sia in nobaḻí nabi kon tungkuḷ in butá in Yohuda pinarentaan i Datu Uzia, bo Israel in pinarentaan in Datu Yerobeam, ki adí ḷoḷaki i Yoas. Doyowa notaong kon tungkuḷ in diápa nobaḻí in ḻinug, ki Allah in noponiata kon i Amos in inta mobaḻí mita kon Israel.

AMOS 4:5

Kumudungdon in moposumba in roti saḷaku sukurmu kon i-Nakó, bo kumudungdong in umambungangaḷ kon moiko in nodugangdon nodia kon sosumba! Notantú bidon kon tuata in kinoibog monimu aidan!

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

HABAKUK 2:2

Ki Tuhan in notubag kon inakó nanaa, “Kurigdon kosimantag kon butá ḷamentong tobonsig, onu inta poponiata-Ku kon inimu, sinbá mopia bacaan.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

PINOGIAPAN 24:16

inta ain nokodongog kon tosingogon mita i Allah, bo inta notaau monotaau kon i Inta Totok in Moḷantud inta pinoki pogontongan i Inta Totok Mokawasa kouḻi-uḻid tongá kobuka-buká in mata.

PINOGIAPAN 24:4

inta ain nokidongog kon tosingogon mita i Allah bo inta ain pinoki pogontongan i Inta Totok Mokawasa, kouḻi-uḻid, tongá kobuka-buká in mata.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

OUMAN IN RASUL MITA 10:17

Ki Petrus in umuran korai-rai mongo onu degá in mangaḻe inta inontongnea tatua. Koyogot in noraimai kon tua, bobantung mita inta pinotabá i Kornelius, kon munamaidon in ḷoḻingkop in baḷoi i Simon.

OUMAN IN RASUL MITA 26:19

“Tuamai uḻe, Datu Agripa, totok in motoindudui in akuoi kon onu inta ain inontongku bo inta ain sinarimaku nongkon i Allah tua.

KORINTUS 2 12:1

Totuubí kon diábí in mangaḻe dumodia. Tongá mustikubí doman popotaau onu inta ain pinowahyu bo inta pinoontong i Allah kon inakó.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.