YEREMIA 9:8 - Alkitab Singog In Mongondow Masa In Tanaa

⁸ Singog mita totok in mokoanib, mokopatoi naonda bo piot mobisa. Tosingogon mita monia uboḷ komintan. Singog mita monia mopia in kodongogan, táe sabanarnea mosia in motaanbí kon poyogaḷap.

YEREMIA 9:8 ပူးပေါင်းရင်းမြစ်များ

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

MAZMUR 12:3

Mosia komintan mosiuboḷandon, mosiakaḷan pongin tosingogon inta mopia in kodongogan.

MAZMUR 120:3

Ei mononompobaḻik, onu in aidan i Allah kon inimu? Onu in pohukum-Nea kon i monimu?

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

MAZMUR 35:20

Moaḷus in pososingog monia; mosia in monomayábí kon monombuḻitok kon intau inta nobiag nopopiaan.

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

AMSAL 25:18

Moponapud in uboḷ in mokopatoibí, naonda bo kedang, popangkuḷ andeka piot inta moḷanit.

YEREMIA 5:26

Ei umat-Ku, kon sigad monimu oyúon in intau mita moraat. Naonda bo intau mogangat kon poyogaḷap inta sinaannea podomok kon ḷagapan, natuata in mosia notaan kon poyogaḷap sin podomok kon intau.

YEREMIA 5:9

Degá diá patus in Akuoi in mohukum kon bangusa inta natua bo motuḻí kon onu inta ain pinomia monia?

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

YEREMIA 9:5

Mosia komintan mosi uboḷan, diá in mosingog kon inta totuu. Bibignea in nobiasadon monguboḷ mosia in diá mokosanggup in monaḷámai kon dosanea. Aid inta moraat kodugang-kodugang aid uboḷ kodugang-kodugang doman tua in umuran aidan monia, mosia in totokbí in mondoí kon i Tuhan.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.